web counter
LEXO PA REKLAMA!

SHKARKO APP

App Store
Google Play

E fundit!

x

SPAK nuk mund të harrojë Ben Blushin, ortakun e inceneratorëve

1 Prill 2022, 08:49, Denoncim CNA

Afera e inceneratorëve, një nga më të akuzuarat në Shqipëri, është tashmë në hetim nga drejtësia.

SPAK pas hetimit në lidhje me inceneratorin e Elbasanit dhe Fierit, ka vënë në pranga një ish-ministër si dhe një deputet. Po ashtu në pranga javë vënë edhe zyrtarë dhe administratorë, ndërsa pronarët e inceneratorëve janë shpallur në kërkim.

Por, SPAK nuk mund të harrojë dhe ortakët e inceneratorëve, mes të cilëve është edhe ish-politikani Ben Blushi.

Ky i fundit është ortak me pronarët e inceneratorëve në të paktën tre kompani.

Së pari, është vetë Ben Blushi ortak direkt me kompaninë Kudo Pay, me Vjollca Hoxhën dhe Stela Gugallën. Kjo e fundit e shpallur në kërkim.

Nga ana tjetër është edhe Em Capital Group, kompania që ka blerë Lori Kafe.

Em Capital Group, është një kompani ku 33% të aksioneve i ka Eva Blushi, bashkëshortja e Ben Blushit, 33% Mirel Mërtiri dhe 34% Klodian Zoto.

Dhe më pas është po kjo kompani që ka ardhur në Shqipëri dhe ka blerë 51% të aksioneve të Valtelina Kafe, që mban emrin tregtar Lori Kafe.

Janë pasuri, qindra mijëra euro të shtuara, menjëherë sapo la detyrën e deputetit.

I përfshirë direkt me pronarët e inceneratorëve. Një ministër i arrestuar, një deputet i arrestuar. Një tufë me drejtorë dhe administratorë.

Ndërsa ortakët, bashkëpunëtorët më të ngushtë të Mirel Mërtirit dhe Klodian Zotos ende duket të jenë të lirë.

SPAK duke ecur me hapin e breshkës po përpiqet të mbyllë procedurat dhe t?iu thotë shqiptarëve se po hetohet një aferë korruptive.

Në fakt afera nuk fillon dhe nuk mbaron as tek Alqi Bllako, as tek Lefter Koka. Rrethi është shumë herë më i gjerë. Miliona euro janë paguar për mediat, për televizionet, për reclama, për publicitet.

Bashkëpunëtori më i ngushtë i tyre ka qënë Ben Blushi, ortaku i tyre, jo i vetëm, me gjithë bashkëshorten e tij.

Ndoshta ish-politikani, ish-zyrtari i shtetit, ish-ministri shpreson dhe mendon se duke mos pasur post politik, apo drejtues në shtet mund të jetë i pastër dhe drejtësia nuk ka pse vepron mbi të.

Në fakt drejtësia duhet të veprojë mbi çdo njeri që ka përfituar nga paratë e taksave të shqiptarëve. Lekët e paguara nga inceneratorët, janë të taksave të shqiptarëve. Është abuzuar me firmat e ministrave, sekretarëve të përgjithshëm apo drejtorëve dhe më pas janë paguar mediat.

Ato para duhet të kthehen atje ku ishin. Në buxhetin e shtetit, ose personat që i kanë marrë duhet të vuajnë dënimin një për një dhe të paguajnë çdo qindarkë që kanë përfituar nga taksat e shqiptarëve në mënyrë abuzive.

Zoti Blushi ndoshta mendon dhe shpreson se duke qënë jashtë zyrave të shtetit është më i qetë dhe mund të bëjë çfarë të dojë, por SPAK duhet të hetojë pasuritë e Ben Blushit, gjatë kohës që ka qënë deputet dhe më pas, gjithçka ka ndodhur për të nxjerrë profilin e një politikani. Për të nxjerrë profilin edhe të një biznesmeni më pas, i cili ishte ortaku i Klodian Zotos, Mirel Mërtirit dhe Stela Gugallës. Të gjithë në arrati. Ministrat që firmosën kontratat e tyre në burg. Ndërsa Ben Blushi ende nuk po hetohet nga SPAK. Megjithëse ndaj tij ka disa kallëzime./CNA.al

Po Vjollca Hoxhën dhe Ben Blushin ku i latë zotërinj prokurorë?

Ekskluzive/ Dalin hapur, Ben Blushi, Vjollca Hoxha dhe pronarët e inceneratorëve themelojnë kompani në Tiranë

Ekskluzive/ Ben Blushi dhe Endrit Habilaj nuk pranohen nga Euronews

Nga Koka, tek Bllako/ Bllokohen 2 milionë euro pasuri të njerëzve të inceneratorëve

Fakte të reja, prova për SPAK/ Lidhjet e Vjollca Hoxhës dhe Ben Blushit me pronarët e inceneratorëve





Lajmet e fundit nga