web counter
LEXO PA REKLAMA!

SHKARKO APP

App Store
Google Play

E fundit!

x

Përjashtuan djalin me probleme! Pezullohet drejtoresha, kthehet në klasë Emiljano

29 Mars 2022, 18:57, Denoncim CNA

Të premten emisioni ?Stop? transmetoi një problem në shkollën e Mesme të Bashkuar ?Mihal Nako?, në Fier-Seman. Rivier Belliu mësues në këtë shkollë, denoncoi largimin nga shkolla të një nxënësi me aftësi të kufizuara.

Emiljano Lici, Qershorin e kaluar mbushi 18 vjeç dhe nisi vitin shkollor në Shtator, por në 27 Tetor e larguan, duke thënë, se kishte mbushur moshën. Rivier Belliu tha se Emiljano Lici është nxënës shumë i dashur me sindromën down dhe epilepsi.

Ai është jetim dhe jeton me babain dhe vëllain e sëmurë. Titullarja e shkollës, u justifikua duke thënë, se ka zbatuar udhëzimin për kriterin e moshës. Drejtori i ZA Divjakë, Llazar Stase tha se problemi u kap me vonesë dhe fajin e ka drejtoresha e shkollës.

Stase u shpreh se djali u largua për sjellje agresive, ndërkohë që punonjësja sociale e shkollës dhe e njësisë, sqaroi, se këto dy muaj kanë ardhur ankesat për djalin dhe jo më parë.

Pas transmetimit të këtij rasti, i menjëhershëm ishte reagimi i MAS. Ministrja Evis Kushi shprehet, se drejtoresha e shkollës dhe drejtori i Zyrës Arsimore të ZA-së Divjakë janë pezulluar ndërsa nxënësi Emiljano Lici i rikthehet bankave të shkollës qysh këtë të hënë.

?Pas verifikimeve paraprake, ka vendosur pezullimin e menjëhershëm të drejtoreshës së shkollës dhe drejtorit të Zyrës Vendore Arsimore Divjakë. Ndërkohë, nxënësi Emiliano Liçi do të kthehet menjëherë në bankat e shkollës, që nga dita e hënë?.

Ditën e djeshme ?Stop?, bashkë me titullaren Flutura Mece, të Drapt Fier, inspektoren e arsimit, mësuesin ndihmës si dhe psikologun e shkollës, e dërguan në shkollë Emiljano Licin.

?Falenderoj Saimirin dhe Gentin, fëmija u kthye në shkollë. Falenderojmë emisionin ?Stop? pa fjalën tuaj nuk do ishte e mundur që Emiljano të kthehej në shkollë?, thanë të afërmit e tij./tvklan





Lajmet e fundit nga