E fundit!

13:48 Aktualitet

Erion Braçe del nga kontrolli/ Shpërthen në të shara ndaj qytetarit: Bthqr, qelbësirë

Deputeti Erion Braçe është filmuar në hyrje të Kryesisë së...

Lart e poshtë nëpër polici e prokurori për sendet e tij, Saimiri dorëzohet dhe vjen në Stop

1 Prill 2022, 20:30, Denoncim CNA

Saimir Sali tregon se është arrestuar në vitin 2019 për lëndë narkotike dhe është liruar në 27 Shkurt 2022. Në momentin e arrestimit i janë sekuestruar dy telefona.

Në vendimin e gjykatës dhe urdhrin e prokurorisë thuhet se sendet i kthehen të pandehurit. Ka shkuar me dhjetëra herë në prokurori dhe e drejtojnë në Drejtorinë Vendore të policisë në Fier. Saimiri nuk po mundet dot t?i gjejë telefonat, ndaj kërkon ndihmën e Stop-it.

Saimir Sali: Quhem Saimir Sali, jam arrestuar në datën 9 Korrik 2019, për lëndë narkotike, për përdorim vetjak dhe vuajtja dënimin 3 vjet e 4 muaj. U lirova në datën 27 Shkurt të 2022-t. Kam shkuar për të marrë sendet e mia personale në prokurori. Prokuroria më dha një numër protokolli dhe më çoi te policia, Drejtoria Vendore Fier. Ata më thanë ik te prokuroria përsëri. Vajta përsëri, ata më sorollasin, ik këtej, ik andej. Sendet personale përfshijnë dy telefona celularë që m?i sekuestruan në momentin e arrestimit. E kam edhe në vendim, të dyja vendimet, që të pandehurit Saimir Sali t?i kthehen sendet personale. (Në polici) nuk më japin shpjegim fare. Kërkoj ndihmën e emisionit Stop që ta zgjidh këtë problem sa më shpejt.

Saimir Sali shkoi në prokurori?

Qytetari: Përshëndetje! Si kalon?

Punonjësja: Përshëndetje! Ja, ku e ke urdhrin të plotë!

Qytetari: Ça është kjo?

Punonjësja: Urdhri, që është bërë ekzekutimi për kthimin e sendeve.

Qytetari: Po mirë, tani ku t?i kërkoj unë?

Punonjësja: Ti shko në polici dhe jepua të plotë urdhrin dhe ta lexojnë!

Qytetari: Po tani unë kam ardhur 10 herë këtu dhe ik këtu, ik atje. Ik te policia, ik te prokuroria! Tani të di unë, ku t?i kërkoj!

Punonjësja: Ky është urdhri, që është bërë për kthimin e sendeve. Të dhamë numrin, ti the nuk ma gjetën. Vajza e nxori gjithë urdhrin, të bëri një fotokopje dhe tani mund të shkosh të paraqitesh atje dhe të thuash ?ja, ku është urdhri për kthimin e sendeve të mia?!

Më pas, i drejtohet Drejtorisë Vendore të Policisë së Fierit.

Qytetari: Për sendet personale erdha!

Punonjësja: Ishe dhe dje këtu ti?

Qytetari: Po isha!

Punonjësja: Te kush?

Qytetari: Po s?e di, se ata janë ndërruar.

Punonjësja: Procedura është, që shko te prokuroria dhe prokuroria të jep ty një kopje dhe një kopje e dërgon tek oficeri dhe atij nuk i ka ardhur ndonjë shkresë për sendet.

Qytetari: Prokuroria më tha, që ?ik merri sendet me numër protokolli? dhe erdha këtu.

Punonjësja: Nisen me shkresa zyrtare. Nisen me postë dhe i vjen oficerit. Tani ata e dinë procedurën.

E në këto kushte duket se e vetmja që mund ta zgjidhte çështjen ishte gazetarja e Stop: Në fund celularët e qytetarit u gjetën në Gjykatën e Shkallës së Parë të Fierit, në dosje.

Saimir Sali: Falë emisionit Stop u gjetën ku mbaheshin telefonat e mi prej 20 ditësh. Përshëndes emisionin Stop, Saimirin dhe Gentin dhe gazetaren që janë shumë të mrekullueshëm që ma zgjidhen problemin brenda ditës./tvklan