LEXO PA REKLAMA!

SHKARKO APP

Engjëll Agaçi apo Alqi Bllako në burg?

1 Prill 2022, 09:12, Denoncim CNA

Emri i deputetit socialist, Alqi Bllako njeriut që ka qënë pjesë e PD-së, më pas i LSI-së dhe tashmë një Rilindas, ditët dhe javët e fundit është tjerrë shpesh në media.

Në fakt ai është thjeshtë dhe vetëm ish-Sekretari i Përgjithshëm i Ministrisë së Mjedisit, ku ka kaluar procedurat për dy koncesionet e inceneratorëve në Fier dhe Elbasan dhe PPP-në, e Tiranës. Në vlerë totale, kontrata të firmosura prej 480 milionë eurosh, por që sipas ekspertëve mund të shkojnë në vlera rreth 600 milionë euro.

cna lajme aktualitetNë fakt Bllako ka ndjekur procedurat teknike, ligjore, kalimin e shpresave nga lart-poshtë, deri në mbylljen e këtij proçesi, por vendimet janë marrë në Këshillin e Ministrave.

Në Këshillin e Ministrave, aty ku në dhjetor të 2014-ës, brenda ditës u firmosën nga 9-14 vendime. Institucione që përgjigjeshin ?raketë?, dhe firmosej inceneratori i Elbasanit, i cili tashmë ka prangosur ish-ministrin e Mjedisit, Lefter Koka, të cilit i janë gjetur paratë në xhepa. Ashtu siç ka ndodhur edhe me inceneratorin e Fierit, zinxhirin e pagesave.

Alqi do të mblidhte Qeverinë e Edi Ramës dhe të firmoste 14 vendime brenda ditës?

Apo 14 ministri t?i përgjigjeshin Alqi Bllakos brenda ditës në godinën e Kryeministrisë?

Në fakt, për ata që e njohin ligjin dhe si funksionon ekzekutivi, personi përgjegjës që mbledh dokumentacionin dhe i kalon ato në mbledhjen e Qeverisë, është Sekretari i Përgjithshëm i Kryeministrisë. Dhe ky është Engjëll Agaçi.

Personi përgjegjës për dokumentat që kalojnë, futjen në mbledhjen e Qeverisë dhe miratimin e tyre, është Engjëll Agaçi.

Pra, Alqi Bllako nuk ka mundur dot të mbledhë 9 apo 14 institucione brenda ditës, t?i firmosin dhe t?i dorëzojnë në kryeministri. Jo. Është dikush tjetër.

Prandaj, Alqi Bllako do të vuajë dënimin ose do të pritet të gjykohet në lidhje me shkeljet e ligjit që ka bërë kur ka qënë Sekretar i Përgjithshëm i Ministrisë së Mjedisit. Kurse Engjëll Agaçi duhet të tregojë se çfarë ka ndodhur në godinën e Kryeministrisë.

A është ai personi që ka bërë mbledhjen e dokumentacionit brenda ditës?

Ka ndjekur proçedurat? Ka bashkëpunuar me Alqi Bllakon, etj? Këtë do ta zbulojnë më tej hetimet.

Por, Alqi Bllako ndodhet pas hekurave sot, pas një arratie 3-4 ditore, thjeshtë dhe vetëm se ka ndjekur procedurat e Ministrisë së Mjedisit dhe ka shkelur ligjin. Ndërsa vendimet që janë marrë në Qeveri, nuk janë të Alqi Bllakos, por kalojnë nga Engjëll Agaçi.

Prandaj, a duhet të kemi Alqi Bllakon apo Engjëll Agaçin në burg?

Apo të dy bashkë, duhet të jenë përpara drejtësisë për të sqaruar pozicionin dhe rolin e tyre, të mbajtur në një aferë 480 milionë euro në kurriz të taksave të shqiptarëve?/CNA.al

17 vendime të firmosura brenda një dite/ Rama i ka bërë presion Agaçit?

Korrupsioni me inceneratorët/ Paditet në SPAK Ëngjëll Agaçi

Zanafilla e inceneratorëve/ Ish ministri: Engjëll Agaçi insistoi të firmosja

Lajmet e fundit nga