web counter
LEXO PA REKLAMA!

SHKARKO APP

App Store
Google Play

Arrestimi i Alqi Bllakos/ Klodiana Lala: SPAK përgënjeshtroi policinë

1 Prill 2022, 12:58, Aktualitet CNA

Gazetarja Klodiana Lala, në një studio televizive, ka folur në lidhje me arrestimin e ish deputetit socialist Alqi Bllako.

Lala u shpreh se vetëdorëzimi i Bllakos ka shumë paqartësi, duke vënë në pah edhe faktin që në deklaratat e shpërndara nga SPAK dhe policia në lidhje me këtë çështje, ka papërputhshmëri. Ajo ka akuzuar organet policore se kanë qenë pjesë e lojës që synonte të krijontë një mjegullnajë mbi arrestimin e Bllakos. Lala nuk la jashtë fokusit, edhe sulmin e bërë ndaj mediave nga policia.

?Policia njoftonte, se Alqi Bllako është vetëdorëzuar gjatë mbrëmjes së djeshme. Kjo ishte pjesërisht e pasaktë, sepse ai është vetëdorëzuar gjatë orëve të mëngjesit të sotëm. Policia pretendon se Bllako ishte në mbikëqyrje nga policia. Fakti që policia nuk e arrestoi në shtëpi, tregon që një gjë nuk shkoi si duhet. Policia ka qenë pjesë e asaj lojës për të përhapur tymnajë. Sipas urdhërimit të SPAK, polica duhet ta kishte në mbikëqyrje dhe të monitoronte lëvizjet. E kemi të errët pjesën. Policia në asnjë moment nuk pranoi që nuk e gjeti Alqi Bllakon. Policia sulmoi median. Ne kemi të paqarta disa orë, i kemi të errëta. Kam kontaktuar me të gjithë kupolën drejtuese të policisë, që ishte e pafuqishme për të më dhënë informacion për Bllakon. Kishte një masë sigurie ndaj tij. Nga momenti që jemi njoftuar zyrtarisht deri në orën 23:30 min, policia s?ka pasur asnjë informacion dhe nuk jepte të dhëna. Më pas nxjerr njoftim dhe thotë është vetëdorëzuar. Kjo është jo normale. Sigurisht avokati ka bërë strategjinë e tij. Mund ta ketë bërë vetëdorëzimin edhe për të shmangur kamerat. Por kjo histori, nga firmosja e urdhër arrestit, deri te dorëzimi janë orë të errëta. Nuk ka asnjë informacion. SPAK përgënjeshtroi policinë. SPAK deklaroi se Bllako është ndaluar në orën 23:30 të mëngjesit të sotëm?, është shprehur ajo./ CNA.al





Lajmet e fundit nga