web counter
LEXO PA REKLAMA!

SHKARKO APP

App Store
Google Play

E fundit!

x

Pesë ditët e arratisë së Alqi Bllakos

1 Prill 2022, 08:25, Aktualitet CNA

Dje në mbrëmje, mediat kanë raportuar, pasi morën informacione zyrtare nga Policia e Shtetit, se shtetasi Alqi Bllako ishte arratisur. Pra prej pesë orësh po kërkohej.

Së pari operacioni për shoqërimin e tij e kreu Byroja Kombëtare e Hetimit dhe më pas është angazhuar edhe Policia e Shtetit.

Bllako në fakt arratinë e tij nuk e ka filluar dje, as pra 24 orëve por ditën e hënë.

Sipas të dhënave zyrtare dhe burimeve të CNA.al, Alqi Bllako kontaktet e fundit me individë i ka pasur ditën e hënë me avokatin e tij Sokol Haizaj, të cilit i ka dhënë edhe prokurorën.

Gjithashtu dorëzimi i mandatit është bërë me postë pardje. Alqi Bllako që nga e hëna i ka pasur telefonat e fikur.

Deputetë të grupit parlamentar të Partisë Socialiste konfirmojnë se nga e hëna Alqi Bllako kishte shkëputur kontaktet edhe me familjen.

Pra, arratia e Bllakos nuk ka zgjatur tetë apo nëntë orë, sa u raportua dje nga mediat, deri në dorëzimin e tij në orët e para të mëngjesit të sotëm.

Alqi Bllako arratinë e ka filluar ditën e hënë.

Dje SPAK dorëzoi në GJKKO, kërkesën e pajisur me prova të reja për arrestimin e Bllakos.  GJKKO e miratoi më pas BKH shkoi në shtëpinë e tij dhe nuk e gjeti rreth orës 17.00.

Ndërkohë në disa media kryesisht ato pro Qeverisë u raportua se që në mesditë Alqi Bllako ndodhej në ambjentet e Drejtorisë së Policisë, Tiranë.

Në fakt policia vetë, zyrtarë të saj, e kanë konfirmuar se Alqi Bllako nuk ishte shoqëruar dhe nuk gjendej në banesën e tij.

Alqi Bllako kishte shkëputur çdo kontakt siç u raportua edhe nga CNA.al,  që nga dita e hënë.

Dje në mbrëmje, pas alarmit të ngritur në media, pas konfirmimit të lajmit se Alqi Bllako nuk ishte dorëzuar në ambjentet e Policisë, por ishte arratisur, pra ishte fshehur, ka pasur negociata dhe Bllako është dorëzuar në Drejtorinë e Policisë, rreth orës tre të mëngjesit, të ditës së sotme.

CNA.al mëson nga burimet e saj të sigurta, se Bllako eshte dorëzuar në orët e para të mëngjesit në Drejtorinë e Policisë vendore, në Tiranë,  pasi më parë ka siguruar statusin e dëshmitarit të mbrojtur të akuzës.

Arrtia pesë ditore ka përfunduar në prën 3 të mëngjesit të sotëm.

Mësohet se kanë qenë familjarët që kanë kontaktuar me policinë si dhe avokati  dhe pas negociatave të kryera është bërë e mundur që Alqi Bllako të dorëzohet./CNA.al

Ekskluzive/ Bllako nuk është arrestuar, ja ka mbathur

Skandali/ Alqi Bllako arratiset, skenar i SPAK dhe Policisë?





Lajmet e fundit nga