web counter
LEXO PA REKLAMA!

SHKARKO APP

App Store
Google Play

E fundit!

x

Kush gënjen Policia apo SPAK?

1 Prill 2022, 09:16, Aktualitet CNA

Arrestimi i ish?deputetit socialist Alqi Bllako është kthyer nga drejtësia në një lojë kuka-fshehtasi.

Alqi Bllako ndodhej prej  5 ditësh në arrati, siç e ka konfirmuar më herët CNA.al, dhe është dorëzuar mëngjesin e sotëm rreth orës 3.00 në Drejtorinë e Policisë Tiranë.

Dhe ky dorëzim ka ardhur pas shumë negociatave të familjarëve dhe avoaktit me Policinë po edhe pas kushtit për të marrë statusin e dëshmitarit të mbrojtur nga drejtësia.

Por policia dhe SPAK-u dali me dy versione për arrestimin e Bllakos.

Policia ka njoftuar mëngjesin e sotëm rreth orës 7.25 se Bllako ndodhej që prej mbrëmjes së djeshme në Policinë e  Tiranës.

?Drejtoria e  Përgjithshme e Policisë së Shtetit, informon publikun se përkundër disa lajmeve të rreme mbi arratisjen e shtetasit Alqi Bllako, ky shtetas ndodhet në Drejtorinë Vendore të Policisë Tiranë që prej mbrëmjes së djeshme.

Sqarojmë se shtetasi Alqi Bllako është vetëdorëzuar konform detyrimit ligjor për zbatimin e masës së sigurisë  “Arrest në burg”, lëshuar dje nga Gjykata e Posaçme e Shkallës së Parë për Korrupsionin dhe Krimin e Organizuar?, thuhet në njoftimin zyrtar të  Policisë.

Ndërkohë që më herët mediave, pra mbrëmjen e së enjtes se Bllko nuk ndodhej në ambjentet e Policisë.

Nga ana tjetër SPAK thotë se e arrestuan Bllakon në orën 03.30 të mëngjesit të sotëm, duke konfirmuar kështu lajmet e publikuara nga CNA.al, që pas orës 3 të mëngjesit është dorëzuar dhe më pas janë kryer procedurat e arrestimit.

?Në orën 15.45, të datës 31.03.2022, vendimi i gjykatës për caktimin e masës së sigurimit ndaj shtetasit Alqi Bllako i është dhënë për ekzekutim strukturave të Policisë së Shtetit. Vendimi është ekzekutuar nga Policia e Shtetit në orën 03.30 të datës 01.04.2022?, thuhet në njoftimin e SPAK.

SPAK ka zbardhur dinamikën se si kanë rrjedhuar situatat për arrestimin e Alqi Bllakos.

Në kuadër të hetimeve të procedimit penal nr.187 të vitit 2020, në Regjistrin e Njoftimit të Veprave Penale në Prokurorinë e Posaçme me datë 18.03.2022, është regjistruar emri i shtetasit Alqi Bllako, lindur në Ersekë dhe banues në Tiranë, si i dyshuar për kryerjen e veprave penale ?Shpërdorimi i detyrës?, në bashkëpunim dhe ?Korrupsioni pasiv i funksionarëve të lartë shtetërorë ose i të zgjedhurve vendorë?, të parashikuara nga nenet 248, 25 dhe 260 të Kodit Penal.

Me shkresën Nr.2407 Prot., datë 29.03.2022, Drejtuesi i Prokurorisë së Posaçme i ka kërkuar Kuvendit të Republikës së Shqipërisë dhënien e autorizimit për arrestimin e deputetit Alqi Bllako. Kërkesa është shoqëruar me dokumentacionin përkatës.

Me shkresën Nr.1274/4 Prot., datë 29.03.2022, ardhur nga Kuvendi, jemi njoftuar se kërkesa për dhënie autorizimi për arrestimin e deputetit Alqi Bllako do të shqyrtohet në mbledhjen e Këshillit për Rregulloren, Mandatet dhe Imunitetin, që do zhvillohet me datë 30.03.2022, ora 18.00.

Me shkresën Nr.2407/4 Prot., datë 30.03.2022 kemi njoftuar Drejtorinë e Përgjithshme të Policisë në lidhje me kërkesën e paraqitur në Kuvend për dhënie autorizimi për arrestimin e deputetit Alqi Bllako, duke i kërkuar mbajtjen nën mbikqyrje të deputetit dhe njoftimin e prokurorit të çështjes nëse deputeti do paraqitej në dalje të territorit të Republikës së Shqipërisë.

Kuvendi i Republikës së Shqipërisë, me shkresën Nr.1274/7 Prot., datë 30.03.2022 (ardhur në Prokurorinë e Posaçme në orën 19.40) na ka njoftuar për anulimin e mbledhjes së Këshillit për Rregullore, Mandatet dhe Imunitetin, për arsye se deputeti ka depozituar kërkesën për heqje dorë nga mandati deputetit. Neni 71, pika 2, shkronja ?b? e Kushtetutës parashikon se: ??mandati deputetit mbaron kur deputeti heq dorë nga mandati??.

Me shkresën 2407/6 prot., datë 30.03.2022 (dorëzuar në gjykatë në orën 20.30) nga Prokuroria e Posaçme i është kërkuar Gjykatës së Shkallës së Parë për Korrupsionin dhe Krimin e Organizuar caktimi i masës së sigurimit personal ?arrest në burg?, për shtetasin Alqi Bllako, si i dyshuar për kryerjen e veprave penale të parashikuara nga nenet 248, 25 dhe 260 të Kodit Penal.

Me vendimin Nr.26, datë 31.03.2022, Gjykata e Shkallës së Parë për Korrupsionin dhe Krimin e Organizuar ka caktuar masën e sigurimit personal ?arrest në burg?, për shtetasin Alqi Bllako. Vendimi është vënë në dispozicion të Prokurorisë së Posaçme në orën 15.30 të datës 31.03.2022.

Në orën 15.45, të datës 31.03.2022, vendimi i gjykatës për caktimin e masës së sigurimit ndaj shtetasit Alqi Bllako i është dhënë për ekzekutim strukturave të Policisë së Shtetit. Vendimi është ekzekutuar nga Policia e Shtetit në orën 03.30 të datës 01.04.2022./ CNA.al





Lajmet e fundit nga