web counter
LEXO PA REKLAMA!

SHKARKO APP

App Store
Google Play

E fundit!

x

Ideoi blindimin e selisë së PD me hekur/ Zbardhet pasuria e mbështetësit të Bashës

27 Mars 2022, 16:53, Politikë CNA

Lulzim Basha, i friksuar dhe i kapur në panik të madh, ka shpenzuar rreth 40 mijë euro për blindimin e selisë së PD-së me dyer hekuri dhe kamera të rezolucionit të lartë në çdo cep të selisë.

CNA.al, mësoi se Basha ishte thjesht realizuesi i blindimit të PD-së, pasi ideatori ishte ish deputeti Xhemal Gjunkshi.

Më poshtë, po sjellim të zbardhur pasurinë e ideatorit të blindimit të selisë blu.

Gjunkshi, pranë ILDKPI në vitin 2007 deklaron se disponon një apartament banimi 2+1, me sipërfaqe 122 metra katrorë me vlerën 35 milion lekë të vjetra.  Për blerjen e këtij apartamenti, ai ka deklaruar se ka marrë kredi të butë tek banka e kursimeve për 25 vjet. Pra kësti i kredisë i fillonte nga 30 dhjetor 2003 deri në vitin 2026.

Ish deputeti deklaronte se dispononte edhe një automjet tip Mercedez Benz CDI 220, prodhim i vitit 2003, i paçdoganuar me vlerë 10 mijë euro.

Ndërsa të ardhurat që deklaronte, ishin paga si kolonel me vlerën 892.728 lekë dhe kursimet nga pagat në një bankë të nivelit të dytë, që kapnin vlerën e 300.000 lekë.

Gjunkshi ka bërë pasqyrimin e pasurisë së tij edhe një vit më vonë, në 2008-tën, ku ai ka shtuar të ardhurat nga bashkëshorja si punonjëse e Bashkisë së Tiranës me vlerën 66.854 lekë.

Ndërkohë që pasuria e ish deputetit demokrat mori një ndryshim në vitin 2011, ku ai deklaronte krijimin e një llogarie bankare, me vlerë 1.370.270 lekë.

Ai gjithashtu deklaronte se kishte 5% aksione në kompaninë SHPK Mutafci-Dragon, e cila është në pronësi të bashkëshortes së tij.

Në vitin 2012, kur Gjunkshi vijonte të ishte shef i shtabit të përgjithshëm në Forcat e Armatosura, deklaronte një llogari bankare rrjedhëse të pagave me vlerën 2.463.919.17 lekë.

Fati i buzëqeshi në vitin 2017, kur edhe u bë deputet i PD. Përveç pasurive të sipërdeklaruara, Gjunkshit i shtohet në këtë vit një shtëpi private në Peshkopi, për të cilën deklaron se e ka dhuratë nga babai i tij. Si kursime familjare në një bankë të nivelit të dytë, ai deklaron shumën prej 205.253..42 lekë dhe gjendje cash në shtëpi 1.500.000 lekë. Ai gjithashtu deklaronte edhe të ardhura 230.400 lekë nga pensioni i parakohshëm si ushtarak, si dhe pagën si deputet me vlerën 703.126 lekë.

Në vitin 2018, Gjunkshi deklaron pranë ILDKPI një llogari rrjedhëse page me vlerë 819.456 lekë, MC Revolving VIP me një gjendje prej 2500 euro deri në 31.12.2018, llogari rrjedhëse arkëtuar nga Ministria e Mbrojtjes, ekzekutim i vendimit gjyqësor me vlerën 1.347.479 lekë, si dhe një tjetër llogari, e cila ka vlerën 11.744 lekë, të cilat janë shtuar nga interesat bankare.

Pasuria e Xhemal Gjunkshit:

Viti 2007

Apartament banimi 2+1, sipërfaqe 122 metra katrorë me vlerën 35 milion lekë të vjetra.

Makinë Mercedes Benz CDI 220, prodhim i vitit 2003, i paçdoganuar me vlerë 10 mijë euro.

Paga si kolonel me vlerën 892.728 lekë.

Kursimet nga pagat 300.000 lekë.

Viti 2011

Krijimi i një llogarie bankare, me vlerë 1.370.270 lekë.

5% aksione në kompaninë SHPK Mutafci-Dragon.

Viti 2012

Llogari bankare rrjedhëse të pagave me vlerën 2.463.919.17 lekë.

Viti 2017

Një shtëpi private në Peshkopi.

205.253..42 lekë kursime familjare

Gjendje cash në shtëpi 1.500.000 lekë.

Të ardhura 230.400 lekë nga pensioni i parakohshëm si ushtarak.

Paga si deputet me vlerën 703.126 lekë.

Viti 2018

Llogari rrjedhëse page me vlerë 819.456 lekë.

MC Revolving VIP me një gjendje prej 2500 euro.

Llogari rrjedhëse arkëtuar nga Ministria e Mbrojtjes, ekzekutim i vendimit gjyqësor me vlerën 1.347.479 lekë.

Llogari bankare, 11.744 lekë, të cilat janë shtuar nga interesat bankare./E.K-CNA.al





Lajmet e fundit nga