E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

VIDEO/ Paraqitje dinjitoze! Një "magji" e Dani Olmos i djeg Shqipërisë barazimin historik ndaj Spanjës

26 Mars 2022, 20:40, Politikë CNA

Shqipëria është mundur më shifrat 2-1 nga Spanja në Barcelonë me një magji të Dani Olmo në minutën e 90 që vendosi fatin e duelit.

Kuqezinjtë kanë bërë një ndeshje shumë të mirë në fazën mbrojtëse, teksa kanë mbajtur larg portës sulmin e rrezikshëm të spanjollëve të cilët dominuan në mbajtjen e topit por nuk krijuan shumë raste të rrezikshme para Berishës.

Goli i avantazhit spanjoll erdhi në një moment kur sfida ishte përgjumur me Ferran Torres që përfitoi nga një devijim i Gjimshitit për të mposhtur Berishën. Por kuqezinjtë reaguan dhe me një devijim me pak fat, gjetën barazimin me Uzunin. Megjithatë, Shqipëria nuk ia doli të mbronte këtë barazim, pasi në minutën e 90, Dani Olmo shënoi me një harkim spektakolar, duke i siguruar fitoren e 8 në po aq ndeshje të luajtura ndaj kuqezinjve përfaqësueses së Spanjës.

Spanjë 2 ? 1 Shqipëri

Miqërore ? 19:45

Stadiumi: RCDE Barcelonë

Arbitër: Trustin Farrugia Cann (MAL)

Formacionet zyrtare:

Spanja (4-3-3): Martin, Carvajal, Garcia, Torres, Alonso, Gavi, Rodri, Pedri, Ferran Torres, Sarabia, Morata Trajner: Luis Enrique

Shqipëria (3-5-2): Berisha, Gjimshiti, Ismajli, Kumbulla, Hysaj, Balliu, Bare, Laçi, Gjasula, Cikalleshi, Broja Trajner: Edy Reja

FT Spanjë-Shqipëri 2-1
75? Ferran Torres, 90? Olmo / 85? Uzuni

MINUTE PAS MINUTE

90? GOOOL Spanja. Dani Olmo nga e majta dërgon një goditje të shkëlqyer me harkim perfekt që ndalet në trekëndëshin e portës së Berishës.

85? GOOOL Shqipëria. Top i gjatë i Kumbullës për Uzunin i cili përfiton nga një përplasje e topit për të çuar sferën në rrjetë. 1-1.

84? Zëvendësim i dyfishtë te kuqezinjtë, Roshi dhe Manaj hyjnë në fushë në vend të Balliut dhe Brojës.

85? GOOOL Shqipëria. Top i gjatë i Kumbullës për Uzunin i cili përfiton nga një përplasje e topit për të çuar sferën në rrjetë. 1-1.

84? Zëvendësim i dyfishtë te kuqezinjtë, Roshi dhe Manaj hyjnë në fushë në vend të Balliut dhe Brojës.

78? Vjen momenti i Kristjan Asllanit, mesfushori hyn në fushën e lojës në vend të Laçit.

75? GOOOL Spanja. Pasim në qendër për Torres i cili gjen devijimin e Gjimshitit për të dërguar sferën në rrjetë.

71? Në fushë Azpilikueta dhe Jeremi, largohen Karvahal dhe Morata.

69? Olmo mundohet të nisë Alba drejt portës së Berishës, por gardiani del dhe kontrollon i qetë.

64? Zëvendësim i trefishtë te Spanja me Soler, Zhordi Alba dhe Olmo që futen në fushë në vend të Sarabia, Markos Alonsos dhe Gavi.

61? Zëvendësim i dyfishtë te kuqezinjtë. Largohen nga fusha e lojës Cikalleshi dhe Gjasula, për t?i bërë vend Uzunit dhe Ramadanit.

56? Kombinim mes Brojës dhe Balliut në krahun e djathtë. Mbrojtësi nis topin në qendër ku Laçi nuk arrin të devijojë. Sfera kthehet më pas te Bare i cili gjuan por dërgon topin shumë lart mbi traversë.

52? Harkim nga e djathta në shtyllën e dytë për Morata, ky i fundit ul topin për Sarabia i cili tenton roveshatën por fluturon sferën mbi traversë.

50? Ndeshja ndalet për pak minuta për shkak të një goditje që ka marrë Erik Garsia nga Cikalleshi.

48? Përsëri gjuajtje e fortë e Rodri, sfera devijohet dhe përfundon jashtë.

46? Menjëherë rrezikshëm spanjollët me një predhë nga jashtë zone të Rodri, Berisha përgjigjet me një grushtim vendimtar.

46? Nis pjesa e dytë pa ndryshime në radhët e dy ekipeve.

43? Shpërthim spektakolar i Brojës në krahun e djathtë, kalon dy mbrojtës dhe nis topin për Cikalleshin i cili nuk arrin të devijojë para portës.

38? Shpërthim i Brojës në krahun e djathtë, ku bën 40 metra me topin në këmbë mes futbollistëve kundërshtarë dhe në fund fiton një goditje këndi.

34? Pedri provon me një gjuajtje të shpejtë nga e majta e sulmit, Berisha është në pozicion.

32? Vazhdon e njëjta tablo, me spanjollët që mbajnë topin, por asnjë prej tyre nuk arrin të shfaqet rrezikshëm para Berishës.

30? Në tribuna dëgjohen gjithnjë e më shumë thirrjet ?Shqipëri, Shqipëri?.

28? Presing i lartë i përfaqësueses shqiptare, që mundohet të mbajë Spanjën sa më larg portës së Berishës, duke ndaluar ndërtimin e aksioneve nga mbrojtja.

22? Dominim i spanjollëve në këto minuta të para, por kuqezinjtë kanë arritur të kontrollojnë rreziqet e mëdha para Berishës.

20? Pedri gjuan në kufijtë e zonës, Berisha ia del të kontrollojë sferën e shmangë rrezikun.

12? Shpërthim i Balliut në krahun e djathtë, ai nis topin në qendër për Cikalleshin i cili rrëzohet pas një kontakti, por gjyqtari bën shenjë që loja të vazhdojë.

10? Kombinime të shpejta të spanjollëve që nxjerrin Gavin në zonë, gjuajtja e tij bllokohet nga prapavija e Shqipërisë që largon rrezikun.

5? Ferran Torres shpërthen në krahun e majtë dhe në diagonale mundohet të kalojë Berishën, por gardiani kuqezi devijon jashtë.

2? Gavi provon menjëherë të gjejë një korridor mes futbollistëve kuqezi, mbrojtja largon rrezikun para Berishës.

1? Nis ndeshja me topin e parë shkelmuar nga tanët.