E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

“Berisha di të bëjë opozitë më mirë se askush”/ Balliu: Gjykata dje nxori “jashtë lojë” kryetarin e komanduar

26 Mars 2022, 15:45, Politikë CNA

Anëtari i Komisionit të Rithemelimit, Klevis Balliu, është deklaruar në lidhje me vendimin e marrë ditën e djeshme nga Gjykata e Tiranës, për regjistrimin e Statutit të Kuvendit të 11 dhjetorit. Ky vendim i kaloi ligjërisht selinë, logon dhe vulën e Partisë Demnokratike, Komisionit te Rithemelimit.

Balliu e quajti të premten, si ditën që demokratët po ktheheshin në shtëpinë e tyre. Ai theksoi se e djeshmja ishte dita kur puçi i thurur nga Rama dhe mbështetasit e tij, dështoi, ndërsa vendimin e gjykatës e cilësoi si aktin që ?nxorri jashtë loje? Enkelejd Alibeajn.

?Dita e djeshme ishte pozitive, dhe me emocione që demokratët po ktheheshin në shtëpinë tij, por nga ana tjetër ishte një ditë e tmerrshme për Edi Ramën dhe të gjithë bashkëpunëtorëve të tij. Puçi i tyre nuk funksionoi. Demokratët janë aty gati për një luftë frontale me Edi Ramën.

Dje u morën vendimet për ç?bunkerizimin e selisë së PD. Një nga vendimet e para ishte kthimi i rojes së PD, i cili u dorëhoq, gjatë debateve të brendshme, dhe sot ishte aty me ne. U diskutua për shtyrjen e afatit të zgjedhjeve për kryetar dege. U diskutua për çështje administrative dhe patjetër për administrimin e godinës që duhet të filloj sa më shpejt.

Gjykata ka marrë një vendim, statuti i 11 dhjetorit është regjistruar, ai statut shkrin çdo anëtar të Kryesisë së pavotuar dhe faktikisht ajo kryesi nuk mund të marrë ato vendime. Praktikisht sot Basha nuk është i dorëhequr por i shkarkuar. Nuk ekziston ideja dhe koncepti i kryetarit të komanduar të PD. Sot në krye të PD është Komisioni i Rithemelimit.

Opozitarizmi në parlament ka rëndësinë e vet dhe duhet që grupi të jetë përballë qeverisë së Edi Ramës pa qenë në një konflikt të brendshëm.

Sali Berisha di të bëjë opozitë më mirë se askush. Do të jetë një opozitë e vërtetë. Kjo do të shihet, kur Berisha të kandidoj dhe të zgjidhet kryetari i partisë. Nëse ne u qëndrojmë parimeve për të cilat është themeluar ajo parti bashkimi është shumë i lehtë. Aktualisht kryefjala është bashkimi, por nuk duhet të harrojmë se thelbësore është hapja e partisë. Ka ardhur momenti që ne të marrim hapa konkrete që mos t?i lëmë të rinjtë të ikin. Duhet t?u hapim rrugët dhe dyert që të bëhen pjesë e partisë dhe pjesë e institucioneve vendimarrëse në PD?, tha ai./ CNA.al