web counter
LEXO PA REKLAMA!

SHKARKO APP

E fundit!

x

Eksploziv në biznesin e kandidatit të Bashës/ Reagon PD

26 Mars 2022, 09:25, Politikë CNA

Partia Demokratike ka reaguar pas dy shpërthimeve me eksploziv në Shkodër, ku njëri ndodhi në biznesin e kandidatit të Lulzim Bashës për kryetar Bashkie, Xhemal Bushati.

Në një postim nga PD në rrjetet sociale, thuhet se gjendja e sigurisë në Shkodër ka vetëm përkeqësim për shkak të aleancës së qeverisë me krimin.

?Partia Demokratike dënon me ashpërsi sulmin me eksploziv ndaj pronës së kandidatit demokrat për bashkinë e Shkodrës Xhemal Bushati.

Për fat të mirë, familja e zotit Bushati, që banon në të njëjtën godinë, nuk ka lëndime fizike, por ngjarja është tronditëse për ta dhe për qytetarët e Shkodrës. Për fat të keq, gjendja e sigurisë në Shkodër ka vetëm përkeqësim për shkak të aleancës së qeverisë me krimin.

Partia Demokratike u kërkon organeve ligjzbatuese të zbulojnë përgjegjësit e këtij agresioni, që prek drejtpërsëdrejti zotin Xhemal Bushati, një nga personalitetet më të respektuar të qytetit të Shkodrës.

Kush mendon se mund të përkulë demokratët me sulme direkte ose indirekte, i ka bërë llogaritë gabim!?, shkruhet në postim./A.E-CNA.al





Lajmet e fundit nga