web counter
LEXO PA REKLAMA!

SHKARKO APP

E fundit!

x

Humbi turpshëm bastionin e demokratëve/ Grida Duma tallet me qytetarët

26 Mars 2022, 12:21, Politikë CNA

Grida Duma, në zgjedhjet e 25 prillit 2021 ishte edhe drejtuese politike e PD, në Bashkitë Kavajë dhe Rrogozhinë.

Por, në të dyja këto Bashki, që kanë qenë historikisht bastione të Partisë Demokratike, Grida Duma humbi në mënyrë të turpshme.

Në Bashkinë Kavajë, PD mori 10 115 vota, përkundrejt PS me 10 338 dhe në Bashkinë Rrogozhinë mori vetëm 3 949 vota, ndërsa PS mori 5 337 vota.
Pra, humbi në të dyja Bashkitë, që konsideroheshin bastione të PD dhe ku Grida Duma deklarohej se i kishte në xhep.

Por, tani Duma mesa duket ka vendosur të tallet me qytetarët.

Në një postim në rrjetet sociale, Duma publikon një video të vitit 1990 kur qytetarët e Kavajës ngriheshin kundër komunizmit.

?26 Mars!
Kavaja i priu misionit më të lartë, betejës për lirinë.
Djem e vajza të Kavajës sakrifikuan me besimin dhe idealin që Shqipëria duhet ta jetojë dritën mbi errësirën diktatoriale.
Të tillë djem e vajza Kavaja e Shqipëria ka shumë; kam bindjen që as keqqeverisja, as mungesat e mëdha të kredos politike, nuk do ta mbysin dot shpirtin e rinisë tonë.?-shkruan Grida Duma.

Në fakt Duma ka të drejtë, Shqipëria ka nevojë për të tillë qytetarë, të tillë djem dhe vajza.

Por, për çfarë iu duhen shqiptarëve politikanët e dështuar që tallen me sakrificën e tyre?

Grida Duma krenohet me humbjen/ Rezultatin tim në Durrës nuk e ka arritur asnjë

Video-U betua për dorëheqje nëse humbte bastionet e PD/ Kur do ta lërë mandatin Grida Duma?  





Lajmet e fundit nga