LEXO PA REKLAMA!

SHKARKO APP

“Çlirim dhe organizim i PD-së”/ Vokshi: Kryetari i ri të krijojë një front të përbashkët opozitar

26 Mars 2022, 18:33, Politikë CNA

Deputetja demokrate Albana Vokshi, në një studio televizive ka folur në lidhje me situatën brenda Partisë Demokratike. Zonja Vokshi ka bërë me dije se cilat mund të jenë kandidaturat të cilat do të kandidojnë për postin e kryetarit të PD-së. Ajo ka theksuar nevojën e bashkimit të partisë në mënyrë që të krijohet një front i përbashkët opozitar.

?Shpresoj të ketë shumë kandidatë. Zoti Berisha e ka shprehur dëshirën, zoti Bardh Kadilli, Kulluri e ka thënë. Ka plot figura të njohura që janë dinjitoze për kryetar të PD. Sa i përket elektoratit, data 6 mars vërtetoi që elektorati e voton Sali Berishën. Duhet bashkimi sepse 11% ishin të Bashës dhe tani po vijnë në Komisionin e Rithemelimit dhe te partia. Duhet të dalim përtej kësaj. Kryetari i ri i PD që do të votohet me votën e lirë, duhet të ketë detyrë parësore modernizimin e partisë. Të krijohet një front i përbashkët opozitar. Kjo qeverisje duhet ta ketë?, tha ajo.

Zonja Vokshi ka bërë me dije edhe se cilat do të jenë hapat e radhës që do të merren për ringritjen e PD-së. Ndërkohë që ka paralajmëruar gjithashtu edhe protesta sapo Partia Demokratike të jetë e gatshme nga ana organizative. Ajo sqaroi se PD nuk do të jetë vetëm mbështetëse e protestave të qytetarëve, por organizatore dhe në ballë të tyre.

?Hapat e mëtejshëm janë së pari heqja e dyerve të blinduara, hapja e PD, për demokratët duke e kthyer në shtëpi të demokratëve. Do të vijojë puna me riorganizimin. Kandidatët kanë kërkuar shtyrje të afatit të zgjedhjeve. Më datë 30 prill do të bëhet Kuvendi, ku janë të gjithë të ftuar. Pasi të zgjidhen forumet e reja, si këshilli, kryesia. Ata do të vendosin për hapjen e garës?, tha ajo./ CNA.al

Lajmet e fundit nga