web counter
LEXO PA REKLAMA!

SHKARKO APP

App Store
Google Play

Oketa kërkon bashkimin e demokratëve/ “Nuk mund të pretendohet për dy statute”

24 Mars 2022, 20:09, Politikë CNA

Anëtari i Këshillit Kombëtar të Partisë Demokratike, Gazment Oketa, në një intervistë në emisionin ?Debat? me Alba Alishani në A2, ka folur mbi ndasitë brenda Partisë Demokratike. Ai ka deklaruar se nëse pretendohet një ribashkim i demokratëve, atëherë referencat mbi Statutin e PD duhet të bien. Oketa ka theksuar se ajo që duhet bërë është ndërtimi i urave të komunikimit mes grupeve brenda partisë, për hir edhe të atyre demokratëve të cilët braktisën kutitë e votimit në zgjedhjet e pjesshme lokale të 6 marsit.

?Në perceptimin tim pavarësisht zbutjes së toneve, situata ngelet sërish e brishtë. Pas 6 marsit dhe pas dorëheqjes së Bashës referencat qoftë kundrejt Kuvendit të 11 dhjetorit, referendumit të 18 dhjetorit apo Kuvendit të 18 dhjetorit të organizuar nga pjesa tjetër e Partisë Demokratike, duhet të zhduken.

Nëse duam të flasim për një ristrukturim, riformatim, ribashkim të PD, gjykoj se referencat kundrejt Statutit të Partisë Demokratike duhet të bien. Pavarësisht se ai është Kushtetuta e organeve zyrtare të PD,  fatkeqësisht ndodhemi në një situatë kur dy palët pavarësisht numrave që kanë, pretendojnë për dy Statute të ndryshme.

Sipas mendimit tim, çështja sot duhet të shtrohet më tepër në planin moral. Duhen ndërtuar ura komunikimi jo vetëm mes dy palëve të shfaqura, por të mos harrojmë se ka një numër goxha të madh të demokratëve që nuk janë pozicionuar. Vetë shifra e pjesmarrjes në votimet e 6 marsit tregoi që kishte edhe mbështetës të së djathtës që i kishin mbështetur me votë 25 prill, ndërsa me 6 mars nuk morën mundimin të shkonin në kutinë e votimit?, është shprehur ai./ CNA.al





Lajmet e fundit nga