web counter
LEXO PA REKLAMA!

SHKARKO APP

App Store
Google Play

Elsa Lila, përtej akuzave për trafik droge

17 Mars 2022, 12:19, Aktualitet CNA

Ka shpërthyer rrjeti dje, pas arrestimit të Elsa Lilës për trafik droge, në Itali. Rrjeti dhe portalet kanë shpërthyer të gjithë në akuza. I janë kthyer historive të nënës së saj, të familjes së saj. Për pak kikime më shumë, po përpiqen të kryqëzojnë vajzën që për shumë vite me zërin e saj, ishte një simbol i krenarisë shqiptare, dhe një reklamë e mirë për vendin deri në Sanremo.

Duke lënë mënjanë atë që ka ndodhur dje, e duke pritur të zbardhet vendimi i gjykatës për akuzat, Elsa Lila ngelet një ikonë e brishtë e tranzicionit tonë, i cili i mori jetën nënës së saj, i cili nuk mundi ta çonte Elsën aty ku i takonte, për zërin e saj brilant, por thjesht dhe vetëm e lanë një emër me gjurmë në kulturën tonë, që tashmë po sulmohet në mënyrë abuzive dhe të turpshme mediatikisht.

Ata që ulërasin e buçasin mirë është të dëgjojnë disa nga këngët e Elsës, ndoshta do tu qetësojë shpirtin, sepse Elsa Lilën e duam se na bëri krenar në Sanremo, e duam se preku shpirtrat e shqiptarëve me zërin e saj.

Sa për bëmat e gjëmat për të cilat mund ta akuzojnë, ajo ka përgjegjësi private dhe personale dhe mund të ndëshkohet. Përtej çdo ndëshkimi apo përgjegjësie, zëri i saj ngelet brilant dhe këngët e saj një emocion,ndjenjë, për këdo që i ka dëgjuar dhe do t?i dëgjojë përgjgithmonë. Prandaj Elsa e këngës është ajo vajza që na bën krenar dhe nuk na turpëron kurrë thjesht dhe vetëm, ngelet ikonë. Ndani Elsën atë që na bën krenarë me atë vajzën ?e ?keqe? që po e sulmojnë ndoshta edhe tepërisht, në mënyrë të padrejtë, aty ku edhe vërtetë ndoshta nuk e meriton.

Duhet të ruajmë të mirën dhe jo vullnetin e të keqes. Duhet të ruajmë Elsën e këngës që na ka bërë krenare./CNA.al





Lajmet e fundit nga