LEXO PA REKLAMA!

SHKARKO APP

Qindra milionë euro, spotet publicitare për ilaçe/ Skandali me reklamat, që po marrin “në qafë” shqiptarët

16 Mars 2022, 11:28, Aktualitet CNA
Qindra milionë euro, spotet publicitare për ilaçe/ Skandali me

Në ekrane të ndryshme shqiptare, pothuajse në çdo moment të ditës, shohim reklama që sugjerojnë suplemente apo ilaçe, që sipas tyre shërojnë sëmundjet, si prostata apo osteoartriti  dhe jo vetëm.

Për të reklamuar këto produkte, kompanitë marrin personazhe të njohur publikë si: avokatja e njohur Eni Çobani për suplementin ?Superwoman?apo aktori i mirënjohur Sejfullah Miftari për ?Prostatol? e shumë të tjerë, madje edhe njerëz të zakonshëm, që sipas tyre kanë përdorur suplementet apo ilaçet dhe kanë mbetur të kënaqur nga efekti i suplementeve.

Por, nuk dihet nëse në kartelën e tyre shëndetësore, ata janë te diagnostikuar me problemet për të cilat reklamojnë ilaçet. Ndaj dyshohet se ata nuk i përdorin këto ilaçe, që në reklama flasin për efektin e tyre,

Ajo që vëmë re është se e njëjta reklamë shfaqet në disa ekrane televizive me personazhe të ndryshme publikë.

Për të tilla reklama shpenzohen mijëra euro për spotet publicitare, po ashtu dhe imazhi i reklamës, në këtë rast, pasi janë përfshirë personazhe të njohur publikë.

Nga ana tjetër transmetimi në ekrane pothuajse çdo 15 minuta, ka një kosto të çmendur prej qindra milionë eurosh, e në fund reklamohet një produkt që  kushton shumë pak, krahasuar me tregun e farmaceutik në vendin tonë, por edhe në rajon dhe Evropë, ku çmimi është shumë i lartë.

Përveç kësaj, për këto produkte ka edhe oferta, bli një dhe përfito një tjetër falas. Sa cilësore janë këto ilaçe, për të cilat shpenzohen qindra e mijëra milionë shpenzime për reklamat?

Më shqetësues është fakti se a kontrollohen këto produkte? Pasi një ilaç që mund të blihet për prostatën, që është një nga sëmundjet më të shpeshta tek meshkujt duhet një recetë mjekësore. A testohen këto ilaçe? Nga kush rekomandohen?

Pra, të gjitha këto reklama me kosto të frikshme, transmetojnë në publik produkte që mund të ndikojnë negativisht në organizmin e tyre dhe për më tepër blihen dhe pa recetë. Këmbanat bien për institucionet që nuk nuk kontrollojnë se nga vijnë këto para që shpenzohen në mënyrë të errët për të tilla reklama./CNA.al

Lajmet e fundit nga