LEXO PA REKLAMA!

SHKARKO APP

“Modei i Bashës, autokratike”/ Bradh Spahia: PD në Shkodër nuk ka përçarje, shifrat flasin vetë

17 Shkurt 2022, 20:37, Politikë CNA

Kandidati i koalicionit Shtëpia e Lirisë për Bashkinë e Shkodrës Bardh Spahia ka folur më fushatën elektorale dhe arsyen pse pranoi të kandidojë për të marrë drejtimin e qeverisjes vendore.

Në një intervistë për emisionin ?Të Paekspozuarit? me Ylli Rakipin, Spahia tha se dëshiron të angazhohet për qytetin e tij, ndërsa bëri krahasimin midis modelit Basha në PD, që i cakton kandidatët vetë dhe primareve që mbajti grupi Berisha.

Si mund të quhesh Shkodran nëse nuk merr dot përsipër të angazhohesh për Shkodrën dhe të bësh beteja? E mora këtë vendim edhe për historikun familjar dhe faktin se kam kaluar pjesën më të madhe të jetës time në Shkodër. Që në rini kam qenë i lidhur ngushtë me politikën. Ju përgjigja pozitivisht thirrjes së anëtarësisë së Partisë Demokratike. Thirrje që erdhi si rezultat i atij procesi të jashtëzakonshëm, që ne i quajtëm primare.

Kemi modelin e zotit Basha, që mban vulën dhe selinë, model autokratik, me komandime dhe emërime. Nga ana tjetër, kemi modelin e përfaqësuar nga zoti Berisha me primare. Me sa duket ishim në një moment kur demokratët kërkonin të dilnin përtej imponimeve individuale dhe të shkonim te vota e lirë e gjithësecilit“, tha Spahia.

I pyetur nëse partia është e përçarë në Shkodër, Spahia deklaroi se PD e Shkodrës është kompakte.

Kjo çarje edhe pse e vogël, më shtyu më shumë të bëhem pjesë e kësaj gare. Nuk besoj se ka një çarje të madhe. Sidomos në PD-në e Shkodrës ka një kompaktësi të madhe, shifrat flasin vetë“, tha Spahia./E.K-CNA.al

Lajmet e fundit nga