E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

Inceneratorët “hanë koka” ministrash/ Pse, Rama nuk mund të lajë duart nga afera e shekullit

17 Shkurt 2022, 10:37, Politikë CNA

Kryetari i shkarkuar i PD, Lulzim Basha gjatë fjalës së tij në Kuvend, është ndalur tek afera e inceneratorëve, për të cilën ka hedhur akuza ndaj kryeministrit Edi Rama, por edhe ministrave të tij.

Basha tha se afera e inceneratorëve iu kushton 430 milionë euro taksapaguesve shqiptarë, ndërsa shtoi se kjo shifër është e mirëllogaritur.

Po ashtu Basha, paralajmëroi se afera e inceneratorëve do ?hajë të tjera koka? ministrash, pas Lefter Kokës, ndërsa theksoi se as Rama nuk mund të lajë duart nga kjo aferë.

?Në fakt në qoftë se do të kishit një fije ndershmëri dhe integritet, në qoftë se nuk do ta perceptonit veten tuaj si skllevër të numrit një të kësaj afere që mungon sot në sallë, të parit të qeverisë, edhe ju sot nuk duhej të flisni për asgjë tjetër, përveçse për atë që jeni kapur me presh në duar, 430 milionë euro minimumi afera e inceneratorëve.

Ditë për ditë shqiptarët po dëgjojnë përmes Komisionit Hetimor për inceneratorët, faktet dhe dëshmitë se si ka ndodhur kjo vjedhje. Kemi vite që e denoncojmë, por për herë të parë faktet se si ka ndodhur vjedhja po dalin para syve të shqiptarëve. Se si është ndërtuar dhe strukturuar skema, se si është paramenduar dhe mirëllogaritur vjedhja e 430 milionë euro nga paratë e shqiptarëve, të taksave të shqiptarëve. Skemë e cila përfshin ministritë kryesore dhe kryeministrin.

Ditë për ditë Komisioni po zbardh se pse Edi Rama nuk mund të lajë duart apo siç tha dje gishtat nga përgjegjësia duke bërë kurban vetëm ministrat të cilët shumë shpejt do të fillojnë të përballen me drejtësinë, sepse siç e kam thënë, megjithëse ai e ka mbiemrin Koka, në fakt është vetëm bishti i kësaj afere.

Njerëzit e kuptojnë fare mirë se koka e këtij korrupsioni është në fakt koka e qeverisë, është Edi Rama. Komisioni po vërteton se asgjë nuk mund të kishte ndodhur dhe nuk ka ndodhur pa mbështetjen, nxitjen dhe miratimin e tij. Kjo është edhe arsyeja, le t?ia kujtojmë shqiptarëve, sepse Edi Rama e mbylli Komisionin dhe u rihap vetëm pas presionit të opozitës dhe faktorit ndërkombëtar. Por e vërteta vetëm ka nisur të shpaloset. Është vetëm çështje kohe. Dëgjesat e ditës së parë, konfirmuan përpara shqiptarëve vjedhjen kriminale prej 430 milionë eurosh me të cilën është përfshirë e gjithë qeveria, i gjithë zinxhiri vendimmarrës. Çfarë u vërtetua në seancën e parë me të gjitha përpjekjet për ta zhurmuar, për ta ndërprerë, për ta devijuar??-tha Basha./CNA.al