E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Rama u hedh “hi syve” shqiptarëve/ Mashtron për inceneratorët

16 Shkurt 2022, 18:13, Politikë CNA

Kryeministri Edi Rama, ka replikuar në Facebook me ndjekësin e tij , pas pyetjes drejtuar nga ky i fundit lidhur me ineceneratorët.

I pyetur nëse kryeministri Rama ndjen se ka përgjegjësi për aferë e inceneratorëve, thekson se nuk nuk është në dijeni për ndonjë aferë inceneratorësh, duke shtuar se është bërë një punë e madhe që sipas kryeministrit Rama ka shpëtuar tri komunitete të mëdha nga makthi i plehrave.

?A ndjeni pergjigjesi Ju Z. Kryeministër per aferën e inceneratorve??, shkruan komentuesi.

?Ilir Mustafaraj per cilen ?afere te inceneratoreve? se une nuk di ndonje afere inceneratoresh, po di nje pune te mire qe ka shpetuar tre komunitete te medha nga makthi i plehrave, ne Tirane, Elbasan dhe Fier! Nese ne kete pune te mire ka pasur edhe individe qe mbrapa shpines se qeverise, kane abuzuar me pushtetin e tyre, per te nxjerre perfitime te paligjshme, kete e nxjerr hetimi dhe gjykimi i drejtesise, jo propaganda politike apo balta mediatike! Por kjo nuk e ndryshon faktin se veprat jane ndertuar, jane aty dhe jane ne sherbim te komuniteteve, te shendetit publik e te mjedisit?, përgjigjet Rama.

Por kryeministri mesa duket ka nisur të bëjë avokatinë e kësaj afere. Rama thotë se inceneratorët janë në shërbim të komuniteteve, kur në fakt realiteti është ndryshe.

Në Fier edhe pse janë dhënë 28 milion euro, djegësi i mbetjeve nuk është funksional dhe kjo u zbulua disa ditë më parë kur shkuan anëtarët e komisionit hetimor të inceneratorëve për ta parë nga afër. Përfaqësuesit e mazhorancës po tentojnë tu hedhin ?hi syve? shqiptarëve duke thënë se inceneratori në këtë vend ekziston dhe është funksional, ndërsa justifikohen se makineritë janë në fazë kolaudimi. E thënë ndryshe ky incenerator nuk punon.

E njëjta gjë është edhe me inceneratorin e Tiranës, për të cilin edhe pse janë dhënë 128 milionë euro nuk ekziston një i tillë.

Atëherë përse kryeministri po tenton të mashtrojë shqiptarët?/E.K-CNA.al

FOTO-FAKT/ Koncensioni 128 milionë euro vetëm një kapanon

Konfirmohet abuzimi i aferës së shekullit/ Inceneratori i Fierit i papërfunduar prej dy vitesh