E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Spaho largohet nga Komisioni për Inceneratorët/ Nuk bëhem pjesë e aferës

16 Shkurt 2022, 12:35, Politikë CNA

Deputeti demokrat, Edmond Spaho ka braktisur Komisionin Hetimor për Inceneratorët, duke deklaruar se nuk do të bëhet pjesë e bashkimit të mazhorancës me Kuvendin, për të mbuluar këtë aferë.

Spaho tha se nuk do jetë më pjesë e komisionit hetimor për incineratorët, duke deklaruar se ai do të ketë fatin e komisioneve të tjera dhe asnjë rezultat.

Ai shtoi se nuk nuk do të votojë ngritjen e asnjë komisioni hetimor në Kuvend derisa të ndryshojë ligji për komisionet hetimore.

Për këtë ai tha se do të ndërmarrë vetë një iniciativë ligjore.

Debatet në Komision:

Spaho: Mendoj se ky komision do të ketë fatin e komisioneve të tjera hetimore, që nuk prodhon rezultat pavarësisht përpjekjeve të opozitës për të nxjerrë faktet në dritë dhe për të informuar opinionin mbi vjedhjet skandaloze që janë bërë në këto tre kontrata. Të marrësh në mbrojtje Klodian Zoton se paska konflikt interesi me gazetarin që ka bërë shkrimet dhe e ka akuzuar për shkelje të ligjit dhe vjedhje dhe personi ja ka mbathur në arratis se ka frikë nga këto akuza, shkelje të ligjit dhe vjedhje dhe penalizojmë gazetarin dhe mbrojmë Zoton dhe Stela Gugallen.

Mazhoranca është e vendosur që ky komision të dështojë siç kanë dështuar dhe komisionet e tjera parlamentare. Nuk kam për të qenë pjesë e këtij komisioni, nga dita e sotme dhe deri sa të jem në kuvend nuk do votoj krijimin e asnjë komisioni hetimor derisa të ndryshojë ligji dhe ti japë kërkuesve të krijimit të komisionit hetimor të drejtën për të pasur shumicën, që në shumicën e rasteve është opozita. Kështu siç është nuk hetohet. Sikurse dhe ligji për referndumet. Do ndërmarr një iniciativë ligjore të ndryshoj ligjin për komisionert hetimore, mazhoranca në daç ta votoj, në daç jo.

Tabaku: Jemi duke hedhur dritë në këtë aferë. Unë besoj se do shumë guxim, kurajo dhe integritet ti vesh emër korrupsionit dhe unë i falënderoj të gjithë deputetët e opozitës që e kanë bërë këtë, sepse ne kemi vetëm një armik të përbashkët që është korrupsioni në qeveri. Ajo që ka dalë në dritë deri tani në fakt e ka bërë të dridhet qeverinë. Çfarë ka dalë në dritë deri në këtë moment nga ana e këtij komisioni hetimor e ka bërë qeverinë sigurisht të dridhet. Dje Edi Rama i shiti disa ministra, tha do të kenë përgjegjësi personale. Ju e shikoni sesi dëshmitarët ndryshojnë kur vijnë këtu. Ju shikoni sesi pyeten dëshmitarët. Pa asnjë kompromis.

Spaho: Unë të bëhem pjesë e këtij bashkimi të mazhorancës me Kuvendin për të mbuluar këtë aferë, nuk kam për tu bërë. Nuk kam gjë me ju (i thotë Tabakut). Më këta komisioni do dalë me dy raporte.

Tabaku: Rëndësi ka intergriteti jonë në këtë proces, jo me sa raporte dalim./CNA.al