web counter
LEXO PA REKLAMA!

SHKARKO APP

App Store
Google Play

Berisha: Durrësi i marrë peng nga njerëz që duan të pasurohen me çdo kusht

11 Shkurt 2022, 17:15, Politikë CNA

Ish kryeministri Sali Berisha, po zhvillon fushatën në Durrës për zgjedhjet e pjesshme vendore.

Gjatë fjalimit të tij Berisha është shprehur se, qyteti i Durrësit është kthyer në një qytet betony, pasi lakmia dhe babëzia e një grupi njerëzish që duan të pasurohen me çdo kusht duke ngushtuar e zaptuar çdo hapësirë.

Gjithashtu Berisha ka theksuar se nuk ka politika të krijuara për njerëzit por për pasurimin e qeveritarëve.

Sipas Berishës, janë krijuar vetëm politika që kanë synim frikën, mbjelljen e terrorit tek qytetarët dhe plaçkitjen e tyre.

“Shqipëria dhe shqiptarët sot e kanë jetike ndryshimin. Nëse ne mendojmë për një moment këto 8 vite, atëherë jam i bindur se ajo çka kemi nevojë më shumë se çdo gjë tjetër është ndryshimi. Ne na duhet ndryshimi, Durrësit i duhet ndryshimi.

Shtatin mijëra vjeçar të këtij qyteti të mrekullueshëm, brigjet e tij, i gërryen çdo ditë, çdo javë, çdo muaj, jo erozioni por betoni. Betoni nga lakmia nga babëzia e papërmbjatur e një grupi njerëz që duan të pasurohen me çdo kusht duke varrosur pasuritë e tij, duke ngushtuar e zaptuar hapësirat e tij.

Pak metra ishte hoteli krenaria e qytetit, sot ikonë e krimit mbi qytetin.

Durrësi, me potencialet e tij të jashtëzakonshme, me shpirtin punëtor të qytetarëve të tij mund të krijonte vlera materiale e megjithatë përsëri djemtë dhe vajzat e Durrësit marrin rrugët e dheut. Largohen çdo ditë, javë, e muaj nga Shqipëria.

Qytetarët vazhdojnë të marrin ushqimet me listë në dyqane. Politikat synon pasurimin e qeveritarëve, politika që kanë synim frikën, mbjelljen e terrorit, plaçkitjen e tyre”, tha Berisha./A.E-CNA.al





Lajmet e fundit nga