Putin nuk do të ndalet me Ukrainën/ Ai dëshiron të ndërtojë një Bashkimi të ri Sovjetik

1 Shkurt 2022, 09:42, Blog CNA

Nga Michael Waltz ?Fox News?

Vendosmëria e Amerikës po testohet sërish, teksa po presim që Vladimir Putin të japë urdhrin për nisjen e sulmit të trupave ruse mbi kufirin e Ukrainës. Në rast se Rusia e shkel sovranitetin e Ukrainës, kjo do të jetë lufta më e madhe tokësore evropiane që nga Lufta e Dytë Botërore, dhe për këtë arsye duhet t`i alarmojë të gjithë ata që mbrojnë demokracinë dhe lirinë.

Ideja se Shtetet e Bashkuara mund të përfshihen në një tjetër konflikt pas 20 vjetësh luftë në Afganistan, i ka lënë të shtangur shumë amerikanë. Shumica e qytetarëve nuk duan angazhimin e trupave amerikane për të mbrojtur kufirin e Ukrainës. Dhe as që duhet që ta bëjmë këtë. Por është në interesin tonë që t?u ofrojmë miqve tanë ukrainas të gjitha burimet e nevojshme për të mbrojtur sovranitetin e tyre nga kontrolli autoritar i Rusisë,si dhe për të rritur kostot për Putinin nëse ai do të zgjedhë në fund luftën.

Muajin e kaluar unë pata mundësinë të takoj zyrtarët në Ukrainë. Ata e duan Amerikën dhe e vlerësojnë shumë partneritetin tonë. Në një botë me kërcënime në zhvillim, ne duhet të kërkojmë të sigurojmë aleanca, dhe jo të humbasim miq.

Mos bëni asnjë gabim:Putini po përpiqet qëta rindërtojë Bashkimin Sovjetik sipas imazhit të tij, dhe ai nuk do të ndalet me Ukrainën. Ai beson se përfitimet ekonomike nga sektorët industrialë dhe bujqësorë të Ukrainës, i tejkalojnë pasojat e sanksioneve që do të vendosen nëse ai pushton Ukrainën.

Propaganda e brendshme ruse, që do të shoqërojë pushtimin e Ukrainës do të jetë gjithashtu e dobishme për qëllimet e tij më të gjera. Mjerisht, administrata Bajden ka premtuar një përgjigje të ashpër, por jo masa parandaluese.

Në vitin 2005, Putin u tha qytetarëve rusë:?Ia vlen të pranohet se shkatërrimi i Bashkimit Sovjetik ishte katastrofa më e madhe gjeopolitike e shekullit XX. Sa për popullin rus, ajo ishte një tragjedi e vërtetë. Dhjetëra milionë bashkëqytetarë dhe bashkatdhetarë tanët u gjendën përtej kufijve të territorit rus?.

Putini është i fiksuar pas idesë se shtetet satelite të ish-Bashkimit Sovjetik si Ukraina, janë në thelb ruse për shkak të besnikërisë së tyre ish-komuniste. Ndërsa kjo nuk është e vërtetë, Putinit i është dhënë mandati nga miqtë e tij në Moskë për ta zgjeruar ndikimin e Rusisë në të gjithë Evropën.

Mjerisht, administrata e Xho Bajdenit ka premtuar më shumë përgjigje të ashpra sesa masa parandaluese, gjë që e ka dobësuar pozicionin tonë në skenë globale. Putin e pa sesi Bajden braktisi aleatët afganë verën e kaluar, duke lënë pas dhjetëra mijëra të vdekur në duart e talebanëve dhe duke hequr dorë nga dhjetëra miliarda asete pas 20 vjetësh sakrifica në jetë njerëzore dhe shumë para të harxhuara në Luftën Globale kundër Terrorizmit.

Një pjesë e mirë e pjesëtarëve të ekipit të politikës së jashtme të presidentit Bajden kanë shërbyer në administratën e Obamës, dhe janë të njëjtët zyrtarë që e lejuan Putinin të pushtonte Gadishullin e Krimesë në vitin 2014, me shumë pak pasoja.

Vladimir Putin po synon të përfitojë sërish nga dobësia e kësaj administrate amerikane, që preferon më shumë diplomacinë e rreme dhe një qasje të butë në raport me nevojën e projektimit të fuqisë së SHBA-së në arenën globale.

Vitin që kaloi, hakerat e lidhur me Rusinë detyruan mbylljen e gazsjellësit ?Colonial Pipeline?, që pengoi furnizimin me karburant të të gjysmës së SHBA-së në Bregun Lindor dhe shkaktoi krijimin e radhëve të lodhshme nga miliona amerikanë.

Në vend se të ndëshkoheshin, hakerat u paguan gati 5 milionë dollarë. Më pas, pas presionit nga qeveria gjermane po vitin e kaluar, administrata Bajden hoqi sanksionet ndaj gazsjellësit ?Nordstream 2?, që i jep mundësi Rusisë t?i shesë Gjermanisë gaz natyror më të ndotur, dhe të krijojë një varësi të re energjetike të Evropës nga Rusia.

Është befasues fakti që administrata Bajden do t?i vinte interesat e Gjermanisë përpara sigurisë tonë kombëtare, në një kohë që do t?i falte Putinit një levë të madhe ndikimi në aspektin ekonomik.

Fuqizimi ekonomik i një regjim autoritar, që ka treguar tashmë gatishmërinë për të përdorur entitete për të sulmuar rrjetin tonë të energjisë dhe për të nxitur sjellje të tjera keqdashëse, përçarëse në mbarë botën,nuk është në interesin e SHBA-së.

Nën administratën e Donald Trump, ne pamë që Rusia mbajti përgjegjësi kur 300 mercenarë të lidhur me Kremlinin iu dorëzuan drejtësisë pasi sulmuan trupat amerikane në Siri, ndërsa u vendosën sanksione ndaj gazsjellësit?Nordstream 2?.

Një ligj që përmbante një listë të gjerë sanksionesh për ta kundërshtuar ndikimin rus në Evropë, Akti Kundër Kundërshtarëve të Amerikës nëpërmjet Sanksioneve, u nënshkrua po ashtu nga presidenti Trump. Zyrtarët e Xho Bajdenit mund të mësojnë nga sukseset e administratës së fundit në frenimin e Vladimir Putinit.

Në vend që Bajden të premtojë se do të vendosë sanksione ndaj Rusinë pasi kjo e fundit të pushtojë Ukrainës, ai duhet të vendosë sanksione të rënda tani për ta penguar Putinin të realizojë synimet e tij. Por që të funksionojnë sanksionet, atyre duhet t?i bashkohet edhe ekonomia më e madhe në Evropë.

Gjermania duhet të vendoset përpara një zgjedhje:në rast se Berlini refuzon të zbatojë sanksionet tani, atëherë ne duhet të vendosim sanksione dytësore ndaj kompanive gjermane

të lidhura me ?Nordstream 2?.Më pas, duhet të angazhohemi hapur për të furnizuar me armatime ushtrinë e Ukrainës, nëse Rusia do të vendosë që ta pushtojë.

Putin duhet ta ketë të qartë se nëse ai përpiqet të pushtojë Ukrainën dhe të instalojë atje një regjim kukull, kostot do të jenë të mëdha dhe të përgjakshme. Putini dëshiron të rindërtojë Bashkimin Sovjetik sipas imazhit të tij, ndaj është e domosdoshme që Perëndimi të përdorë çdo mjet për ta penguar atë të ketë sukses.

Shënim:Michael Waltz, kongresmen i Partisë Republikane, përfaqësues i shtetit të Floridas. Ai është një veteran i ?Beretave të Gjelbra? në luftën kundër terrorizmit në Afganistan.

Përkthyer dhe përshtatur nga CNA.al