web counter
LEXO PA REKLAMA!

SHKARKO APP

App Store
Google Play

“Nuk i keni bërë mirë llogaritë”/ Berisha i përgjigjet Escobarit, e sfidon publikisht

13 Janar 2022, 13:23, Politikë CNA

Ish kryeministri Berisha i është përgjigjur interesit të medias, lidhur me deklaratat e zyrtarit të lartë amerikan, Gabriel Escobar.

Në një deklaratë për mediat, pas dëshmisë së dhënë në Prokurorinë e Tiranës, Berisha shprehu keqardhje për deklaratat e zyrtarit amerikan, ndërsa e sfidoi publikisht, duke thënë që çdo provë që ka le ta depozitojë në gjykatë.

Po ashtu Berisha theksoi se ai që mendon se duke mbështetur Bashën, ka dëmtuar atë, i ka bërë keq llogaritë.

?Unë shpreh keqardhje të madhe. Në vizitën e parë reagimi ishte ky : që shqiptarët janë një komb i vjetër dhe në ato elementë të tyre, ata nuk i kanë qëf kukullat. Shqipëria është vendi me tregun më të vogël të kukullave në rajon. Dhe në mënyrën më të sinqertë i kërkova mos merret me kukulla.

Ju e patë që jo vetëm nuk ndikoi në kuvend, por kuvendi shënoi një rekord historik.
Tani i them zotëri, si punohet mirë me një njeri që merr vrasës e banditë për godinën e mbrohet edhe nga garda ?

E ftoj z. Escobarin cdo fakt ta depozitojë në gjykatë, s?ka nevojë fare t?ua tregojë shqiptarëve, pastaj i marr vetë vendimet e mia. Ajo që është, për mendimin tim, e rëndë dhe unë mendoj se duhet të rishqyrtohet, të mbështetës Lulzim Bashën sot, jo vetëm mbështet një kufomë politike, por më keq akoma. Jo vetëm është një kufomë politike, por ai ka një gjë tjetër, të mbështetës Bashën, është një përçmim i madh, një shkelmim mbi politikanët e rinj shqiptarë. Të mbështetësh Bashën nuk lufton Sali Berishën, ua them unë që jo.

Ata që mendojnë se po më dëmtojnë mua duke mbështetur Bashën, nuk i bëjnë llogaritë mirë. Problemi është se çfarë shohin shqiptarët sot është se ky politikan është njeriu më i degraduar i politikës shqiptare.?-tha Berisha./CNA.al

Escobar: Dhuna nuk mund të jetë mjet për të marrë kontrollin e një partie politike

Protesta e 8 Janarit/ Escobar: Për të ardhur keq që dikush përdorë dhunën dhe jo kutinë e votimit

 





Lajmet e fundit nga