web counter
LEXO PA REKLAMA!

SHKARKO APP

App Store
Google Play

Rritja e çmimeve revolton Braçen/ Mesazhi i fortë për Ramën  

13 Janar 2022, 11:16, Politikë CNA

Deputeti socialist, Erion Braçe është shprehur i revoltuar për rritjen e çmimeve të ushqimeve, duke thënë se paratë nuk i marrin bujqit dhe fshatarët, por tregtarët.

Në një postim në rrjetet sociale, Braçe ka marrë si shembull domaten, ndërsa shkruan se ajo merret në Lushnje dhe Divjakë për 50 lekë/kg nga Tirana dhe shitet për 150 lekë, duke shtuar se ky disnivel është i pajustifikueshëm.

Por, Braçe i ka drejtuar edhe një mesazh të fortë kryeministrit Edi Rama, i cili është shprehur se çmimet nuk i vendos Qeveria.

Braçe thekson se nuk është qeveria ajo që vendos çmimet e tregut, por është ajo që sipas tij ka detyrën të ndalojë grabitjen që po i bëhet fshatarëve, bujqve dhe sigurisht konsumatorëve.

?Është fakt! Çmimet e ushqimeve janë rritur! Por një gjë: Kush mendon se të ardhurat e çmimeve të rritura po i merr bujku, fshatari, gabon! Po i merr tregtari!

Bujku po merr aq sa ka marrë gjithë jetën, ne mos më pak!

Kush blenë domate sot me çmim 150 leke, duhet të dije se domatja më e mirë sot, tani, në Lushnje e Divjakë kushton 50 lekë për kilogramë, kaq!

Këtë merr bujku dhe po i fitoni 5-7 lekë për kilogram është i lumtur!

100 lekë nga Lushnja/ Divjaka në Tiranë është grabitje!

Për tregtarët: Tatimi nuk ka ndryshuar, çmimi i energjisë nuk ka ndryshuar, çmimi i ujit nuk ka ndryshuar, rroga minimale për punëtorët e ngarkim-shkarkimit nuk ka ndryshuar (për ata që kanë një magazinë a dyqan)

Ka ndryshuar vetëm çmimi i karburantit nga 168-183 lekë/ litër.

Pra, nga Lushnje/Divjaka në Tiranë u është shtuar 700-1000 leke shpenzim për rrugë!

A justifikon ky shpenzim shtesë 100 lekë për kilogram domate?!

Kurrë!

Thënë këtë, dua të jem i qartë: Qeveria nuk cakton çmime (entet rregullatore po), por qeveria ka detyrë të ndalë grabitjen me çmimet e padrejta! Çmimet e drejta nuk janë komunizëm, siç mendon dikush!?-shkruan Braçe./CNA.al





Lajmet e fundit nga