LEXO PA REKLAMA!

SHKARKO APP

"Hipokritë"/ Vasili “ankohet” pas arrestimit të Kokës

14 Dhjetor 2021, 12:57, Politikë CNA

Nënkryetari i LSI, Petrit Vasili ka reaguar pas arrestimit të ish-ministrit të Mjedisit, Lefter Koka.

Në një postim në rrjetet sociale, Vasili e cilëson si hipokrite dhe të vonuar arrestimin e Kokës.

Ai akuzon kryeministrin Edi Rama, ministrat dhe kryebashkiakët për dosjen e inceneratorëve.

Po ashtu ai ka shigjetuar edhe Lulzim Bashën, për të cilin thotë se nuk lejoi LSI të marrë pjesë në Komisionin Hetimor për Inceneratorët.

“Shumë vonë, hipokritë dhe pa asnjë vlerë për të falenderuar SPAK-un.

Denoncimet dhe faktet atje kanë qënë prej shumë kohësh, por mosveprimi ka qënë i qëllimshem dhe me regji. Banda e aferës së incineratoreve nuk duhej të prekej para zgjedhjeve sepse ajo do të blinte dhjetëra mijëra vota të LSI për llogari të Rilindjes në Durrës,Tiranë, Elbasan, Fier, Berat etj .

Në krye të bandes është vetë Edi Rama dhe Kryetaret e Bashkive e Ministrat ende në detyrë. Banda e icineratoreve e detyroi edhe Lulzim Bashen që të mos pranonte asnjë anëtar nga LSI në Komisionin Hetimor parlamentar. LSI do të zbardhë të plotë dhe deri ne fund këtë aferë para popullit shqiptar. Shqiptarët nuk duan drejtësi me regji, por drejtësi të vërtetë dhe në kohën e duhur!!”, shkruan Petrit Vasili./CNA.al

Lajmet e fundit nga