web counter
LEXO PA REKLAMA!

SHKARKO APP

App Store
Google Play

Një tjetër padi gati ndaj Bashës/ Luli i bën “gropën” vetes

14 Dhjetor 2021, 11:03, Politikë CNA

Deputetja socialiste Blerina Gjylameti ka reaguar pas akuzave të kryetarit të shakrkuar të PD-së Lulzim Basha, një ditë më parë.

Në konferencën për media Basha tha se bashkëshorti i deputetes socialiste në bashku me një kompani italiane e me një televizion kombëtar kanë sjellë skenën në ‘Arenën e Hajnisë’, duke iu referuar Kuvendit të 11 dhejtorit.

Deputetja i ka quajtur shpifje akuzat e Bashës dhe e ka paralajmëruar se do të përballet me të në gjykatë.

 ?E mirëkuptoj gjendjen e vështirë psikologjike në të cilën ndodhesh në këto momente, por kjo nuk i justifikon në asnjë moment halucinacionet, aq më tepër kur je dhe shpifës recidivist. Kompania që thua nuk ka asnjë lidhje me mua, e me familjarët e mi e për këtë bashkë do shihemi në gjyq me shpresën që nuk do i shpëtosh drejtësisë si çdo herë me justifikime qesharake?

 Deklarata ime e para dy javëve me z. Alibeaj i referohet dhunimit, uzurpimit dhe thyerjes të çdo norme dhe ligji në fuqi duke keqpërdorur foltoren e parlamentit si edhe thirrjes së përsëritur për rikthimin në shinat e ligjshmërisë, pasi të kishte zgjidhur hallin e madh që ju kishte zënë për të treguar se kush është kryetari?

  Sikleti që të ka rënë, nuk do të thotë se duhet të mashtrosh pa teklif e më pak të përfshish në farsën që ke ngritur tërë këto vite për të justifikuar humbjet, familjarët e mi apo Partinë Socialiste? Lider nuk munde të bëhesh, por nëse të ka mbetur edhe pak dinjitet, bëhu burrë dhe përballu me drejtësinë”, shkruan Gjylameti në rrjete sociale./E.S-CNA.al





Lajmet e fundit nga