web counter
LEXO PA REKLAMA!

SHKARKO APP

App Store
Google Play

Operacioni i parë që prej mbylljes së lojërave të fatit, dy në pranga në lokalin e Elvis Martinajt

7 Nëntor 2021, 12:23, Aktualitet CNA

Policia e Tiranës ka ndërmarrë një operacion kundër lojërave të fatit, i pari që prej mbylljes së tyre tre vjet më parë. Pasditen e së shtunës, efektivë të komisariatit numër 1 kanë ushtruar kontrolle në subjektin privat bar-restorant ?Las Vegas? që ndodhet në katin e parë të pallatit Nr. 10/1, në Rrugën ?Petro Nini Luarasi? në Tiranë.

Gjatë kontrollit është konstatuar se në lokal ushtruar aktiviteti i kundraligjshëm i organizimit të lotarive të palejuara. Në cilësinë e provës janë sekuestruar një sasi parash prej 900 000 lek të rinj si dhe një sasi parash në valutë në shumën prej 2975 Euro, shumë parash të cilat u gjenden në sirtarin e banakut të lokalit.

Po ashtu janë sekuestruar pesë aparatë telefonik celularë të cilët shërbenin për vendosjen e skedinave dhe basteve sportive për ndeshje të ndryshme futbolli.

Policia ka vënë në pranga Ledjon Xhezairin, i datlindjes 09.12.1994; Kledi Bunacën, i datëlindjes 19.12.1993 si dhe janë shpallur në kërkim shtetasi Urim Topuzi, i datëlindjes 05.12. 1986 dhe shtetasi Edison Nazif i datëlindjes 11.06.1986. Është proceduar në gjendje të lirë shtetasi Lulo Hasani i datëlindjes 02.01.1991.

Burimet bënë të ditur për MCN se lokali në fjalë është në pronësi të Elvis Martinajt, emër i njohur në tregun e lojërave të fatit dhe basteve sportive dhe aktivitete të tjera të paligjshme.





Lajmet e fundit nga