E fundit!

13:48 Aktualitet

Erion Braçe del nga kontrolli/ Shpërthen në të shara ndaj qytetarit: Bthqr, qelbësirë!

Deputeti Erion Braçe është filmuar në hyrje të Kryesisë së...

Vettingu në politikë/ Olli: Nismë e dështuar e PD, politika është në konflikt interesi

3 Nëntor 2021, 16:56, Politikë CNA

Anëtari i Bordit Drejtues të Bindjes Demokratike, Leonard Olli ka komentuar situatën e brendshme në Partinë Demokratike, Foltoren e ish kryeministrit Sali Berisha dhe propozimet e fundit të kryeopozitarit Lulzim Basha.

Në një intervistë për CNA.al, Olli foli për vettingun në politikë, e cila po kërkohet me këmbëngulje nga Lulzim Basha, për të cilën u shpreh se kjo nismë është e dështuar për vetë faktin se politika është në konflikt interesi dhe nuk mund ta bëjë një gjë të tillë.

Sipas tij, mjafton që organet e specializuara që ne kemi në vend të bëjnë detyrën e tyre dhe të jenë të pavarur realisht nga politika dhe është shumë e lehtë për të gjetur politikanët korruptuar që nuk justifikojnë pasuritë e tyre, njëlloj si ata në drejtësi

?Është një fakt i njohur dhe i pamohueshëm së Shqipëria është një ndër vendet më të korruptuara në rajon dhe në botë, e sigurisht aktor dhe faktor i korrupsionit është klasa politike. Korrupsioni buron nga shteti dhe gjithçka në një shtet drejtohet nga politika. Shqiptarët e dinë shumë mirë si shumë figura të politikës, sapo kapën majat e saj apo patën lidhje me majat e saj u pasuruan si me magji! Pjesa dërrmuese e shqiptarëve besojnë se kjo nuk është me zotësi, por për arsye të aferave korruptive, të cilat bëhen publike nga mediat, herë pas here, apo pëshpëriten nën zë.

Madje, shumë rrallë ka patur edhe dënime nga drejtësia për këtë rast. Çdo nismë për identifikimin e politikanëve të korruptuar është e mirëpritur. Por, këtë akt nuk mund ta bëjë politika, pasi është në konflikt të pastër interesi e për këtë arsye, teorikisht është nismë e dështuar. Ne sot e kemi një vetting, atë në drejtësi, që po kryhet nga institucione jashtë politikës dhe që po anatemohet nga ata që vetë e miratuan dhe votuan. Imagjinoni tashmë se çdo të ndodhë me këtë nismë të re!

Ose do të kemi një gjueti të pastër shtrigash me të drejtë apo pa të drejtë ose amnisti dhe justifikim për ?bijtë? e devotshëm. Vettingu në polici është një provë mjaft elokuente e këtij realiteti të mundshëm. Mjafton që organet e specializuara që ne kemi në vend të bëjnë detyrën e tyre dhe të jenë të pavarur realisht nga politika dhe është shumë e lehtë për të gjetur politikanët korruptuar që nuk justifikojnë pasuritë e tyre, njëlloj si ata në drejtësi. Më një ligj shumë të thjeshtë që nëse ata kapen në një situatë të tillë të largohen menjëherë nga politika sikundër në rastin e dekriminalizimit dhe gjithçka zgjidhet qartë. Është lëvizje taktike për halle personale dhe jo lëvizje për zgjidhje?, tha Olli.

Ndërsa duke iu referuar skandalit në PD, ku Lulzim Basha përgjonte deputetët në mbledhjen e grupeve parlamentare, anëtari i bordit Drejtues të Bindjes Demokratike deklaroi se kjo gjë është përtej absurdit, duke shtuar se përzgjedhjet e dëshpëruara të çojnë në akte po aq të dëshpëruara.

?Kjo është përtej absurdit. Por sigurisht lidhet ngushtë me deformimin e gjithë jetës politike në vend. Lidhet ngushtësisht me hipokrizinë që kryetarokracia dhe mungesa totale e demokracisë së brendshme ka mbjellë në radhët e politikanëve të sotëm, pasi shumica duke mos patur asnjë lidhje me karrierën reale bazuar në meritokraci nuk mund të kenë as koherencë e as kolonë vertebrale mendimi dhe veprimi politik. Kush më mirë se ata që i përzgjedhin e dinë këtë fakt. Prandaj duhet monitorim me të gjitha mjetet që të paktën mos kenë më shumë se dy qëndrime të ndryshme….. Çfarë mbjell, do të korrësh…. Përzgjedhjet e dëshpëruara të çojnë në akte e masa edhe më të dëshpëruara……?, tha Olli për CNA.al.