E fundit!

16:59 Aktualitet

Dritan Prençi, kasaphanë me dosjen e inceneratorit të Tiranës

Avokatja Adriana Kalaja e ka cilësuar si kasaphanë punën e...

Shehi “shuplakë” Qeverisë/ Buxheti 2022, biznes që të favorizojë PPP-të

3 Nëntor 2021, 11:55, Politikë CNA

Buxheti i vitit 2022 duhet të ishte një buxhet social dhe të fokusohet në rritjen e pagave dhe të pensioneve.

Kështu tha për Report Tv, deputeti Dashamir Shehi, i cili tha se pas pandemisë dhe me rritjen e çmimeve shoqëria ka nevojë për paga më të mira.

Në këtë mënyrë, thotë Shehi, do të ulej edhe informaliteti e do të rriteshin edhe kontributet në pensione. Por kjo gjë nuk i leverdis qeverisë, shton deputeti, pasi ky bllok shpenzimesh për qytetarët, nuk lejon që të kryhet korrupsion.

Me ironi, Shehi tha se këtë vit qeveria duhet të kishte ndalur investimet dhe të fokusohej për të ndihmuar të varfrit.

‘Shqipëria vazhdon që të notojë në informalitet. Nga ky buxhet nuk shoh asnjë përmirësim. Për gjykimin tim i kanë shpërndarë gabim. Borxhi publik shkon mbi 80%. Borxhi ka qenë 66-67 brenda dy viteve janë marrë 12-13% borxh. Është lek i madh, ne duhet të analizojmë ku shkoi ky borxh këtë vit. PPP po marrin 120 milionë lekë. Duhet të ishte orientuar në fushat sociale që do të thotë do rrisim rrogat, pensionet.

Në një vit të tillë shoqëria ka nevojë për disa paga më të mira pasi janë rritur edhe çmimet. Këto thonë do të rrisim pagat me 6%. Unë do sugjeroja rritje 15-20%. Këto ide si pëlqejnë qeverisë, ka dy thesë, një thesi në investimet në ujësjellës, PPP, por edhe buxheti tjetër e rrit ekonominë pasi rrit konsumin. Rrit edhe kontributet për pensione.

Ky blloku i madh i shpenzimeve nuk bie para për të bërë korrupsion sepse s’ke ku i mbledh lekët. Ndërsa investimet sjellin korrupsion. Për këtë vit ta ndalojnë frymën e zhvillimi e të ndihmojmë të varfrit, të ndihmojmë rrogëtarët dhe në këtë mënyrë ulim dhe informalitetin. Ky nuk është buxhet as për të varfrit, as për nëpunësit është biznes që vijojnë të favorizojë PPP, ato do të vazhdojnë të pasurohen.

Opozita s’ka asgjë në këtë mes… Opozita dha një voto kompromisi, nuk e votoi. Ky do të ishte një qëndrim, pasi duhet të shohim si do të shpërndahet ky borxh. Asgjë e jashtëzakonshme nuk do të bëhet me buxhetin e vitit që vjen, duhet të ishte një buxhet sociale.’- u shpreh Shehi.