web counter
LEXO PA REKLAMA!

SHKARKO APP

App Store
Google Play

E fundit!

x

“Foltorja” zhvendoset në një tjetër qytet/ Spaho thirrje demokratëve: Të largojmë Ramën dhe patericat e tij

3 Nëntor 2021, 11:29, Politikë CNA

Ditën e martë, ?Foltorja?, e ish-kryeministrit Sali Berisha me demokratët do të ndalet në qytetin e Pogradecit.

Deputeti i PD, Edmond Spaho shkruan se ?Foltorja? do të mbahet në datë 9.11.2021, ora 17.00, në Pallatin e Kulturës në Pogradec.

Po ashtu ai i ka drejtuar edhe një mesazh demokratëve, ndërsa thekson se të bashkuar mund të largojnë kryeministrin Rama, por edhe ?patericat? e tij.

?Të nderuar anëtarë, simpatizantë të PD dhe qytetarë të Bashkisë Pogradec, Ditën e Martë, datë 9.11.2021, ora 17.00, në Pallatin e Kulturës në Pogradec do të mbahet foltorja e Z. Berisha me ju. Jeni të ftuar të merrni pjesë dhe të kontribuoni në të për të garantuar një PD më të madhe, më të hapur dhe më të bashkuar e cila të mund të heqë Ramen dhe patericat e tij nga pushteti.?-shkruan Spaho.

Ndërsa ditën e premte, në datë 5 nëntor, Berisha do të ndalet në Lushnje.

Kujtojmë këtu se deri tani Berisha ka mbajtur 14 ?Foltore?,  ku ka mbledhur mijëra demokratë, të cilët i kanë kërkuar rikthimin në krye të PD dhe largimin e Lulzim Bashës.

Berisha ka zhvilluar takime në Tiranë, më pas në Fier, në Vlorë, në Durrës, në Elbasan, në Gjirokastër, Shkodër, Korçë, Kukës, Dibër dhe Berat, në Kavajë, në Lezhë, në Kamëz. Ndërsa dy takimet e radhës janë të premte në Lushnje dhe të martë në Pogradec./CNA.al





Lajmet e fundit nga