Zbulohen vendimet e sotme të qeverisë

3 Nëntor 2021, 16:08, Politikë CNA

Me dhjetra vendime janë miratuar ditën e sotme nga Këshilli i Ministrave.

Një nga vendimet e rëndësishme është agjenda kombëtare për të drejtat e fëmijëve për një periudhë 5 vjeçare nga viti 2021-2026.

Po ashtu, Këshilli i Ministrave ka miratuar edhe përgjegjësitë për ministrin e Rindërtimit dhe programit të reformave, si dhe ndryshimet në ministrinë e Arsimit.

Qeveria i ka dhënë dritën jeshile edhe një tjetër vendimi, siç është ai i krijimit dhe funksionimit të të rrjetit të kordinatorëve kundër korrupsionit, si dhe miratimin e paraqitjes, të formës dhe të specifikimeve teknike të gradave, si dhe përcaktimin e simboleve, të uniformës, të shenjave dalluese dhe normave të veshmbathjes së punonjësve të gardës së republikës së shqipërisë.

Po ashtu, Këshilli i Ministrave ka vendosur që numri i punonjësve në Ministrinë e Drejtësisë të pakësohet me 3 persona, duke e çuar numrin e përgjithshëm të sistemit të ministrisë në 5328, ndërsa në Ministrinë e Shëndetësisë për vitin 2021, shtohet me 3 punonjës për Shërbimin Social Shtetëror, duke e çuar numrin e përgjithshëm të sistemit të ministrisë në 4296 punonjës.

Ndërsa numri i punonjësve në Kryeministri, për vitin 2021, pakësohet me 5 punonjës, duke e çuar numrin e përgjithshëm të Kryeministrisë në 172 punonjës.

Numri i punonjësve të Njësisë Speciale Antikorrupsion dhe Evazion, për vitin 2021, pakësohet me 7 punonjës, duke e çuar numrin e përgjithshëm të institucioneve në varësi të Kryeministrisë në 1 198 punonjës.

Numri rezervë i punonjësve për vitin 2021 pakësohet me 9 punonjës, duke e çuar numrin e përgjithshëm rezervë në 11 punonjës.

Numri i punonjësve të Ministrisë së Drejtësisë, për vitin 2021, shtohet me 21 punonjës, duke e çuar numrin e përgjithshëm të ministrisë në 5 352 punonjës.

Në buxhetin e vitit 2021, të miratuar për grupin buxhetor nr.87, ?Institucionet në varësi të Kryeministrisë?, në programin ?Shërbime të tjera?, pakësohet fondi prej 13 808 365 (trembëdhjetë milionë tetëqind e tetë mijë e treqind e gjashtëdhjetë e pesë) lekësh, në zërin ?shpenzime korrente?.

Në buxhetin e vitit 2021, të miratuar për Ministrinë e Drejtësisë, në programin ?Planifikimi, menaxhimi dhe administrimi?, shtohet fondi prej 13 808 365 lekësh, në zërin ?shpenzime korrente?./CNA.al