Gafa e rëndë e Opozitës me Eurobondin/ Gazetari nxjerr zbuluar Bashën

31 Tetor 2021, 11:59, Ekonomi CNA

Gazetari Klodian Tomori ka zbuluar gafën e rëndë të opozitës me Eurobondin. Sipas tij, vota pro e opozitës për Eurobondin është gabim i rënde politik.

?Justifikimi se nuk mund të votohet kundër marrëveshjeve ndërkombëtare është i rremë. Eurobondi është një operacion i pastër tregtar dhe nuk ka asnjë lidhje me marrëveshjet ndërkombetare.

Justifikimi tjetër se edhe në 2015-ën opozita nuk ka votuar kundër sërish nuk qëndron. Në 2015-ën opozita nuk mori pjesë fare në votimin për Eurobondin. Bojkoti është një veprim shumë më i fortë se votimi pro, e madje edhe se sa abstenimi. Sepse në bojkot ti nuk merr pjesë në vendimarrje, nuk e njeh fare atë, ndërsa me votim pro je plotësisht dakord me qeverinë?, shkruan Tomorri.

Ndërmjet të tjerash Tomorri ka analizuar dhe argumentuar se përse është gabim i rëndë politik?

?Nëse ka një ligj, ku opozita është e detyruar të votojë gjithmonë kundër qeverisë, ai është buxheti dhe paketa e drafteve të lidhura me të. Eurobondi është pjesë e buxhetit, sepse praktikisht është operacion i financimit të deficitit.

Nëse një opozitë nuk voton kundër paketës së ligjeve të buxhetit atëherë ajo bëhet automatikisht pjesë e qeverisë, ose shtojcë e saj. Në praktikën e demokracive të konsoliduara, opozita jep votë për buxhetin vetëm kundrejt marrëveshjeve, ku ajo përfiton diçka tjetër në këmbim.

Për shembull republikanët në SHBA bien dakord të rrisin kufirin e borxhit, vetëm nëse demokratët pranojnë në këmbim uljen e taksave. Apo anasjelltas. Pra është trade-off i pastër politik. Ti çedon tek një parim i yti, por avancon një çështje tjetër. Por të mos i biesh buxhetit kokës, kur nuk ke marrë asnjë përfitim, është autogol politik.

Unë nuk mendoj se Basha ka bërë marreveshje me Ramën dhe se votimi pro i opozitës për Eurobondin është pjesë e një platforme të fshehtë bashkëqeverisje. Më shumë më duket si veprim kaotik. Opozita ka humbur identitetin politik dhe nuk di të bëjë më rolin e saj. Tani nuk di të them, cila nga këto të dyja është më e rëndë, por një opozitë që bën autogole të këtij lloji, nuk i ka punët hiç mirë?, shkruan më tej gazetari Klodian Tomorri./ CNA.al