web counter
LEXO PA REKLAMA!

SHKARKO APP

App Store
Google Play

Rritje pagash për policët/ Sa do përfitojnë ata që punojnë jashtë vendbanimit

22 Tetor 2021, 16:48, Politikë CNA

Këshilli i Ministrave ka miratuar dy vendime të rëndësishme sa i takon projektbuxhetit të vitit 2022 për Policinë e Shtetit.

Ministri i Brendshëm Bledi Çuçi gjatë prezantimit të vendimit u shpreh se buxheti i vitit të ardhshëm parashikon rritjen e pagave deri në 150% për të gjithë ata punonjës, që ushtrojnë detyrën e tyre jashtë vendbanimit.

?Pr.buxheti që sapo miratuam sjell dy lajme të rëndësishme për Policinë e Shtetit. I pari ka të bëjë me rritjen e pagave të atyre punonjësve, që ushtrojnë detyrën e tyre jashtë vendbanimit. Rritje që do të vijë në formën e bonusit dhe që do të çojë deri në 150% pagat e atyre punonjësve. Lajmi i dytë është rritja e konsiderueshme e investimeve që do të bëjmë në Policinë e Shtetit. Kjo do të rrisë efikasitetin e luftës kundër krimit dhe zbatimit të ligjshmërisë?, u shpreh ministri i Brendshëm.

Një tjetër lajm të mirë kishte edhe ministri i Drejtësisë, Ulsi Manja, që njoftoi rritjen e pagave edhe për policinë e burgjeve dhe barazimin e gradave me punonjësit e policisë së shtetit.

?Rritje e pagave për të gjithë punonjësit e policisë së burgjeve që është i barazuar me të policisë së shtetit, sipas gradave?, tha ministri Manja./CNA.al





Lajmet e fundit nga