web counter
LEXO PA REKLAMA!

SHKARKO APP

App Store
Google Play

“Opozita nuk fitoi besimin e shqiptarëve”/ Berisha i numëron dështimet Bashës

22 Tetor 2021, 15:47, Politikë CNA

Ish kryeministri Sali Berisha nga Berati i ka përmendur të gjitha dështimet kreut të PD Lulzim Basha, i cili sipas tij është përgjegjësi kryesor për mjerimin e shqiptarëve.

Gjatë fjalës së tij, duke akuzuar kryeministrin Edi Rama për lidhjet me Serbinë dhe presidentin Aleksandër Vuçiç, Berisha shigjetoi Bashën, duke quajtur si të paaftë për të penguar politikat antikombëtare.

Berisha tha se Basha ka dështuar në çdo nismë të marrë.

Ish lideri historik u shpreh se Basha nuk arriti të siguronte besimin e shqiptarëve dhe nuk mbrojti votën e demokratëve në 25 prill.

?Këto 30 vite kanë qenë një udhëtim i pashkëputur në rrugën europiane. Gjatë tetë viteve kemi qëndruar në vend numëro. Edi Rama është një argat i Aleksandër Vuçiç. Ne nuk duhet të bëhemi vasalë të Beogradit. Edi Rama po shkatërron prodhimin bujqësor. Aleanca me Vuçiç po krijon nacionalizma, ai është duke përdorur një politikë antikombëtare.

Shqipëria nuk e zhduk dot varfërinë, por mjerimin e zhduk në mëyrë përfundimtare pa asnjë diskutim. Kjo ndodh për një opozitë të paaftë për të penguar këto zhviillime. Kemi një opozitë që dështoi në çdo nismë. Ndodhemi në një opozitë që nuk fitoi dot besimin e shqiptarëve, e cila u tha shqiptarëve se do mbroj votën e nuk e mbrojti. Edi Rama përdori sistemin e patronazhistëve?, tha Berisha./CNA.al





Lajmet e fundit nga