Video-“Nga karrocier i dehur, tek i marrë dhe injorant”/ Përplasja e fortë Rama-Blushi

22 Tetor 2021, 12:32, Politikë CNA

Ish-politikani Ben Blushi, tashmë në rolin e drejtorit të Top Channel, duket se papritur i është kthyer ?dashuria? për kryeministrin Edi Rama.

Sot, Top Channel, i drejtuar nga Ben Blushi, jo vetëm që nuk ka asnjë kritikë për kryeministrin Edi Rama dhe qeverinë e tij, por përkundrazi i bën jehonë aferave të qeverisë.

Por, Ben Blushi dhe Edi Rama kanë një histori të gjatë ?dashurie dhe urrejtje?.

Më poshtë CNA.al sjell një video, të një përplasje të fortë mes Ben Blushit dhe kryeministrit Edi Rama, gjatë një seance parlamentare të marsit të vitit 2017.

Në debate ka pasur edhe fyerje të tipit ?injorant?, apo edhe i marrë.

Ben Blushi në atë kohë, iu drejtua ministres së Arsimit, Lindita Nikolla duke e quajtur injorante.

Më pas erdhi reagimi i Ramës, i cili e quajti fjalimin e Blushit si ?ulërime e një karrocieri të dehur?.

?Për ata që e ndjekin seancën nga TV se ne të gjithë e dëgjuam ulërimën nga fundi i sallës që ishte një ulërimë prej një karrocieri të dehur në drejtim të ministres së arsimit, një ulërimë e turpshme për dikë që i thotë vetes LIBER. Lëre se etika dhe ai (Blushi) s?kanë lidhje me njëra tjetrën. Vjen këtu dhe akuzon si Saliu, përsërit të njëjtën akuzë të Saliut. i bën jehonë qytetarit dixhital të Saliut. E vërteta është që një mësuese një mësuese dhe drejtore gjimnazi është në historinë e këtyre 25 viteve ministre e arsimit që tregoi se reforma në arsim mund të bëhet. Zotëria do mbahet mend në ministrinë e arsimit që shkurtoi bankat, do bëhet barsaletë. Sot mos fol më, mblidhe veten se u çorodite nga disa të vërteta shumë të thjeshta që s?kanë asgjë personale, por kanë vetë, një informim nga ata që nuk të njohin për marrëdhëniet e tua me politikën, PS-në dhe punën.?-ka deklaruar Rama.

Më tej, i është kundërpërgjigjur Blushi, i cili e ka quajtur edhe të ?marrë që torturon socialistët?.

?Unë jam këtu zotëri. Nuk iki asgjëkundi. Edhe kur ju të mos jeni. Të jeni në punët tuaja e të shpëtoni nga kjo torturë, se u torturuat këtu, se një I marrë ju torturon të gjithëve, unë prap këtu do jem. Prap do flas, prap do shkruaj. Prap do them s akeni vjedhur, prap do them kush vjedh. Prap do them se kush është injorant në këtë vend.?-ka deklaruar në në atë kohë Ben Blushi.

Por, tashmë që Blushi nuk është atje, për të thënë të vërtetat dhe vjedhjet, që betohej në Kuvend se do të vazhdonte ti thoshte, mesa duket ka ?mbyllur? sytë dhe veshët e as nuk shikon e as nuk dëgjon./CNA.al

Video/ Ben Blushi akuza Lindita Nikollës: Je injorante

Rama ?hedh miliona në plehra?/ Shpërblimi për Blushin dhe Top Channel