E fundit!

12:04 Opinione Mentor Kikia

Funerali i “Investitorit Strategjik”, ligji më i zi në historinë e Parlamentit Shqiptar!

Kryeministri i Shqipërisë i premtoi Komisionit Europian se...

Çfarë është Vettingu i kërkuar nga Luli?/ Një sqarim me pak fjalë

22 Tetor 2021, 09:10, Politikë CNA

Prej dy ditësh është hedhur në tregun politik ideja e një Vettingu për politikanët, që Lulzim Basha po e propozon si një risi politike, si një ide të re, kur në fakt është një variant i thënë shpesh herë në çadër.

Pra, më shumë janë rikthyer tezat e Republikës së re, sesa ide të reja politike të Lulzim Bashës.

Së pari, sipas asaj që propozon Lulzim Basha, Vettingu është një koncept administrativ. Pra, të hetohen pasuritë dhe deklarimet e bëra nga politikanët.

Në fakt SPAK-u, për të cilin kërkon Luli t’i japë këtë kompetencë, është organ i hetimit penal.

cna lajme aktualitet Pra, nuk mund të ndodhë që një organ i një hetimi penal, të bëjë një hetim administrativ. Kjo është e përcaktuar qartë nga ligji. Hetimet administrative i kryen ILDKPKI, i cili është institucioni që ekziston aktualisht në Shqipëri dhe merret me deklarimet e pasurive. Hedh shorte, bën disa hetime e të tjera si këto.

Në rast se Bashës nuk i pëlqen ky institucion, mund ta shkrijë, mund ta fusë diku si strukturë brenda Prokurorisë së Përgjithshme, ose një institucion tjetër ta formatojë. Por, kërkesa e bërë është e gabuar.

Sepse kur ILDKPKI, apo vetë prokuroria ka dyshime për fshehje të pasurisë nga persona të caktuar, politikanë, kjo e denoncuar edhe në media apo të tjera mënyra, fillohet hetimi. Dhe këtë e heton SPAK-u. Më pas është gjykata që vendos për dënimin e caktuar.

Është ndoshta paaftësi, ndoshta injorancë që SPAK-ut t?i japësh kompetencat e hetimit administrativ.

Dhe më e keqja akoma, në mënyrën e formuluar nga Lulzim Basha dhe të tijët, duket qartazi se SPAK-un duan ta bëjnë edhe organ hetimor penal, edhe organ hetimor administrative, duan ta bëjnë dhe gjykatë.

Pra, që është krejtësisht e papërshtatshme. Një budallallëk që një jurist kur e dëgjon qesh dhe gajaset. Pa folur më tej, që kjo është totalisht jashtë natyrës së SPAK dhe bie ndesh me dispozitat që përcaktojnë fushën e veprimtarisë së këtij institucioni.

Me pak fjalë, ajo që po kërkon Lulzim Basha është thjeshtë të gjejë një kauzë, përballë foltores dhe të tërheqë vëmendjen e opinionit publik.

Ky lloj Vettingu që kërkon Luli, në këtë lloj forme, në këtë lloj mënyre, nuk ka asnjë hapësirë ligjore dhe kushtetuese të bëhet. Por, Basha po e hedh në treg për një arsye. Që të thotë ?ja unë e kërkova Vettingun, shikoni Edi Rama nuk e do. Shikoni dhe ata që më kritikojnë mua janë kundër këtij Vettingu. Dhe që shqiptarët e duan këtë lloj Vettingu?.

Por, propozimi i bërë nuk është ligjor. Nuk është në një formë të qartë juridike. Është një “mish-mash” i qëllimshëm siç e theksuam dhe më lart, që Luli të gjejë hapësira për të luajtur me opinionin publik kundër ?Foltores?. Të gjejë ndonjë hapësirë të mundshme për të goditur Sali Berishën. Të ketë një mundësi që të artikulojë në publik se ai e do Vettingun dhe pastërtinë e politikanëve. Kur në fakt me një fjali mbyllet gjithçka.

Në rast se do të bëhet Vettingu i politikanëve, i pari që del nga politika është Lulzim Basha.

Prandaj dhe propozimin nuk e ka bërë të saktë, të qartë, thjeshtë dhe vetëm që të mos ketë një Vetting të politikanëve, por thjeshtë një broçkullitje publike dhe për të tërhequr vëmendjen e opinionit publik për disa ditë./CNA.al

PD-së i duhet Vetting për idiotët

Video-Basha pjesë e projektit mafioz?/ Lidhja me ?komandantin? e ushtrisë së drogës