web counter
LEXO PA REKLAMA!

SHKARKO APP

App Store
Google Play

U larguan nga mbledhja e komisionit hetimor/ Reagon PS, tregon arsyen

22 Tetor 2021, 13:51, Politikë CNA

Ditën e sotme u mblodh komisioni hetimor për zgjedhjet e 25 prillit, ndërsa anëtarët e Partisë Socialiste u larguan nga mbledhja.

Nënkryetari i Grupit Parlamentar të Partisë Socialiste, Toni Gogu ka reaguar lidhur me këtë vendim, duke deklaruar se kreu i këtij komisioni, Enkelejd Alibeaj, ka injoruar të drejtën e mazhorancës për të paraqitur propozimet e neneve të draft rregullores.

Në emër të PS, Gogu thekson se mazhoranca mbetet vullnetplotë për rifillimin në çdo moment të mbledhjes në respekt të plotë të Rregullores së Kuvendit.

Reagimi i plotë:

Në shkelje të ligjit për komisionet hetimore (neni 10/1, 11/1 , 13/2 dhe 24) dhe të rregullores së kuvendit ( neni 25/2 , 34, 38, 49, 50, 51, 71, 75 e në mënyrë të posacme të nenit 76, Kryetari i komisionit hetimor zoti Alibeaj, në mënyrë të përsëritur injoroi të drejtën e maxhorancës për të paraqitur propozimet e neneve të draft rregullores deri në shkeljen flagrante të mos marrjes në konsideratë të rezultatit të votimit. Pas thirrjeve të vazhdueshme për të futur në shinat e ligjshmërisë procesin e votimit, u detyruam të kërkonim pushim sipas nenit 39/1, paragrafi 3. Ne mbetemi vullnetplotë për rifillimin në çdo moment të mbledhjes në respekt të plotë të Rregullores së Kuvendit.

Provokimit të vazhdueshëm për të nxjerrë komisionin nga udha e ligjshmërisë në përmbushje të funksionit të tij të hetimit e për ta kthyer në ?foltore? nuk do i përgjigjemi kurrë pozitivisht . Gjithashtu jemi të vendosur të mos lejojmë në asnjë moment në veprimtarinë e Kuvendit të Republikës së Shqipërisë, imponimin e dhunshëm të kulturës së tyre partiake të votimit./CNA.al





Lajmet e fundit nga