web counter
LEXO PA REKLAMA!

SHKARKO APP

App Store
Google Play

“Ne mblidhemi në një moment kritik”/ Berisha: PD dhe demokracia ndodhen në udhëkryq

22 Tetor 2021, 15:31, Politikë CNA

Ish kryeministri Sali Berisha ndodhet në qytetin e Beratit ku po mban Foltoren e 11-të për një PD më të hapur, më të fortë dhe më të bashkuar.

Nga aty, ish lideri historik është pritur me entuziazëm nga qindra demokratë, nga ku nuk ka kursyer edhe akuzat në drejtim të qeverisë dhe kryeministrit Edi Rama. Berisha shprehet se kryeministri Rama grabiti mandatin e tretë, pas tetë viteve dështim në qeverisje, ndërsa ngriti edhe shqetësimin se PD dhe demokracia në Shqipëri ndodhet në udhëkryq.

?Dua tu përshëndes përzëmërsisht, të përulem me mirënjohje para jush për të gjithë ndihmesën tuaj të jashtëzakonshme. Mbështetjen e madhe që i keni dhënë PD dhe demokracisë. Berati ka qenë dhe mbetet në demokraci diamanti i kurorës së saj. Me trashëgiminë e madhe të qytetarëve të këtij qyteti sot fatkeqësisht berati është pasuri botërore që bën krenar çdo shqiptar.

Ne mblidhemi në një moment kritik, në një periudhë udhëkryqi të vërtetë për demokracinë shqiptare për PD por po kaq edhe për Shqipërinë. Sot një regjim i cili pranohet botërisht si një narkoshtet hyri në mandatin e tij të tretë. Edi Rama grabiti mandatin e tretë, pasi në tetë vite e nxiu reputacionin, emrin por edhe jetën e shqiptarëve në botë?, shprehet Berisha./CNA.al





Lajmet e fundit nga