web counter
LEXO PA REKLAMA!

SHKARKO APP

App Store
Google Play

Zgjedhjet 25 Prillit/ A do të shkojë Rama në komisionin hetimor?

18 Tetor 2021, 18:36, Politikë CNA

Anëtarja e Komisionit Hetimor dhe njëherazi deputetja socialiste, Blerina Gjylameti ka theksuar se nuk është hera e parë që kryeministri Edi Rama ka shkuar për të dëshmuar në Komisione hetimore.

Në një intervistë për ABC Neës,  e pyetur nëse  do të mbajë apo jo  përgjegjësi shumica në rast të konstatimit të shkeljeve, Gjylameti thekson se këta persona do të përballen me drejtësinë.

?Absolutisht po. Asnjëherë nuk kemi dhënë mbrojtje politike. Do të duhet të përballen me drejtësinë, që thotë fjalën e fundit?, shprehet deputetja socialiste.

Nga ana tjetër edhe kreu i PD, Lulzim Basha njoftoi sot dorëzimin ditën e mërkurë në Kuvend të tre drafteve: reformën territoriale, zgjedhore dhe vettingun e politikanëve.

?Më vjen mirë që Basha ka pranuar që SPAK-u funksionon dhe nuk është i prekur politikisht. Më në fund ia kemi dalë që institucionet e reja të drejtë të jenë të pavarura? deklaroi Gjylameti.

Komisioni Hetimor për zgjedhjet parlamentare të 25 prillit do të thërrasë për të dëshmuar 24 funksionarë publikë dhe lista ka emra nga kryeministri Edi Rama, zv/kryeministrit Arben Ahmetaj, ministri i Brendshëm Bledi Çuçi, kreu i SPAK Arben Kraja, drejtuesin dhe ish-drejtuesin e policisë së Shtetit Gledis Nano dhe Ardi Veliu e deri te dy gazetarët Armand Shkullaku dhe Andi Bushati./CNA.al





Lajmet e fundit nga