web counter
LEXO PA REKLAMA!

SHKARKO APP

App Store
Google Play

“Nuk na përjashtoni dot për një fjalë goje!”/ Deputetja ja plas në sy Bashës: Për Berishën vendos baza

18 Tetor 2021, 17:29, Politikë CNA

Deputetja Albana Vokshi është përplasur ashpër me kreun e PD, Lulzim Basha gjatë mbledhjes së grupit parlamentar demokrat.

Vokshi ngriti shqetësimin e shënjestrimit të përfaqësuesve të PD që ndjekin Foltoret e ish-kryeministrit Sali Berisha.

Sipas saj, “Berisha është lideri historik, është anëtar i Këshillit Kombëtar pra çfarë të keqe ka që të ndjekim ‘Foltoret’?” .

Ajo tha më tej gjatë diskutimeve në mbledhjen e grupit parlamentar se deputetët nuk duhet të përjashtohen për një fjalë pasi PD është parti e fjalës së lirë dhe kushdo mund të shprehë mendimin e tij.

?Grupi Parlamentar, Kryesia e Grupit Parlamentar, nuk duhet të kthehen në gjyqe politike. Gjithsecili duhet të ketë lirinë e fjalës. Ne jemi Parti Demokratike, me shprehje mendimi të lirë. Nuk duhet të kemi frikë. ky është forumi që ne duhet të flasim. Dhe më mirë të flasim këtu Brenda, t?I themi gjërat në sy, se sa të dalim e të flasim prapa krahëve apo nëpër tavolina, nën tavolina e të bëjmë intriga. 

Sot është ditë e mirë sepse po i themi disa të vërteta në sy, flasim hapur dhe flasim këtu. Pa frikën që mund të përjashtohemi për një fjalë goje apo mund të bllokohemi apo shantazhohemi. Jo! Unë jam kundër!

Nuk bie dakort me motivacionin e shkarkimit (të Nokës), sepse unë gjykoj që duhet të jemi të lirë për të shprehur mendimin tonë. 

Pjesa e ?Foltores?, mendoj që gjithësecili prej nesh është I lirë të zgjedhë të shkojë ‘Foltore’ apo jo? Z. Berisha është thënë që është përjashtuar përkohësisht nga Grupi Parlamentar, por ai është lideri historik, është anëtar i Këshillit Kombëtar pra çfarë të keqe ka që të ndjekim ‘Foltoret’? Pse duhet të gjykohemi apo të bëhemi armiq pse dikush shkon e dikush nuk shkon? Është zgjedhje! Jemi Parti Demokratike!?, ka thënë Vokshi./CNA.al





Lajmet e fundit nga