web counter
LEXO PA REKLAMA!

SHKARKO APP

App Store
Google Play

Auditimi në Bashkinë e Vlorës/ KLSH “i tërheq veshin” Dritan Lelit

18 Tetor 2021, 12:14, Politikë CNA

Departamenti i Auditimit të Performancës në Kontrollin e Lartë të Shtetit, ushtroi një auditim me temë ?Pastrimi i qytetit në Bashkinë Vlorë? në subjektin Bashkia Vlorë.

Në një njoftim zyrtar, Kontrolli i Lartë i Shtetit bën të ditur se në përfundim të auditimit ka dalë konkluzionet: Shërbimi i pastrimit të qytetit ka rezultuar pjesërisht efektiv.

Mangësi vërehen në procesin e planifikimit, kryesisht atë financiar, ku Bashkia Vlorë shpenzon një vlerë të konsiderueshme për pastrimin e qytetit, e cila nuk mbulohet dot nga të ardhurat e mbledhura për pastrimin.

Po kështu, kontrata e lidhur mes palëve nuk është zbatuar me rigorozitet pasi ka shumë elementë të përcaktuar në të, të cilët janë neglizhuar dhe gjithashtu ka mungesë transparence në garantimin e përmbushjes së çdo zëri të kontratës.

Me gjithë përpjekjet e deri tanishme, vëmendja duhet të jetë më e madhe drejt ndërmarrjes së studimeve dhe planifikimit të shërbimeve në proporcion me burimet financiare në dispozicion të Bashkisë, si dhe kërkesës së shtuar të llogarisë ndaj operatorëve ekonomik.

Për përmirësimin e gjendjes, Kontrolli i Lartë i Shtetit ka rekomanduar 12 masa organizative, me Vendimin e Kryetarit të Kontrollit të Lartë të Shtetit nr. 112, datë 15.09.2021.

Raporti i plotë (Lexo ketu)





Lajmet e fundit nga