web counter
LEXO PA REKLAMA!

SHKARKO APP

App Store
Google Play

Viktimizohet Basha/ ‘Kanë bërë shpifje të ulta ndaj meje'

18 Tetor 2021, 17:43, Politikë CNA

Kreu i PD, Lulzim Basha, është përballur sot me kundërshtinë e deputetëve në mbledhjen e grupit Parlamentar.

Albana Vokshi dhe Edmond Spaho kanë kërkuar mbledhjen e anëtarësisë për të hedhur në votë përjashtimin e Berishës nga Partia Demokratike.

Por Basha është shprehur se për sa kohë të jeta ai kryetar, shpallja non-grata e Berishës nuk do hidhet me votë në asnjë forum të selisë blu, madje edhe duke u viktimizuar se ndaj tij janë bërë shpifje të ulta për ketë cështje.

?Nuk e kam parë të arsyeshme të reagoj kundër spekulimeve,  gënjeshtrave e shpifjeve të ulëta  ndaj meje me të cilat po bombardohet prej disa javësh anëtarësia e partisë demokratike  dhe opinioni publik.

 E kam përjashtuar dhe vazhdoj ta  përjashtoj nga axhenda ime investimin e kohës dhe energjive  në   shfaqje publike me ?me the, i thashë, e me tha? brenda llojit, që nuk bëjnë gjë tjetër veçse ndryshojnë natyrën e përballjes politike në Shqipërinë e sotme të njëmijë e një problemeve dhe halleve që kanë qytetarët e thjeshtë: nga përballje të  opozitës me qeverinë e shndërrojnë në hidh e prit të ish kryetarit historik Sali Berisha me kryetarin e rizgjedhur vetëm para katër muaj me parimin një anëtar një votë, që jam unë.

Dua të përsëris sot se sa të jem unë kryetar i PD-së nuk do të pranoj të hedh në votim në asnjë forum të partisë demokratike vendime të qeverisë dhe institucioneve amerikane kundër deputetëve a të zgjedhurve të kësaj partie. Edhe sikur  të jem unë i godituri i këtyre vendimeve.?, ka thënë ai./CNA.al





Lajmet e fundit nga