web counter
LEXO PA REKLAMA!

SHKARKO APP

App Store
Google Play

E fundit!

x

Vettingu në politikë/ Mustafa Nano zbulon prapaskenat

18 Tetor 2021, 18:31, Politikë CNA

Partia Demokratike do të bëjë këtë javë kërkesën për ndryshimet Kushtetuese në Reformën Territoriale po ashtu edhe në Reformën Zgjedhore, ku pritet dhe të dorëzojë projektin për nisjen e Vettingut për politikanët.

Gazetari Mustafa Nano, në një intervistë për MCN TV, ka komentuar vendimin dhe kërkesat e kreut të PD, Lulzim Bashës duke thënë se ai po ndjek një praktikë të konsoliduar.

Ndërsa përsa i përket çështjes së Vettingut për politikanët e sheh më shumë si një farsë politike pasi sipas Nanos mjafton një ligj ku çdo politikan duhet të justifikojë pasurinë.

?Se di çfarë procedurash kanë këta për shtrimin e kërkesës për një draft ndryshimesh kushtetuese, por besoj se ai po ndjek një praktikë të konsoliduar. Madje mendoj se dhe në vende të tjera lidershipi vendos për gjëra të caktuara. Nuk shoh ndonjë problem në këtë proces. Sa i përket vettingut të politikanëve nuk kam besim te ky proces. Vettingu i politikanëve është më shumë një proces për debat, sepse nga bërja e reformës në drejtësi aty mjafton një ligj që secili politikan duhet të justifikojë pasurinë e deklaruar. Ndërsa kështu do jetë një fushatë politike, një farsë politike?, ka thënë Nano./ CNA.al





Lajmet e fundit nga