web counter
LEXO PA REKLAMA!

SHKARKO APP

App Store
Google Play

Ndarja nga jeta Colin Powell/ Basha kujtohet të ngushëllojë

18 Tetor 2021, 18:16, Politikë CNA

Nëpërmjet një statusi në rrjete sociale, kreu i PD Basha ka shprehur ngushëllimet e tij, për ndarjen nga jeta, të ish-Sekretarit amerikan të Shtetit dhe kryetarit të Udhëheqësve Ushtarakë, Colin Powell.

Basha shkruan se personalitete si Powell, janë arsye më shumë në ndërtimin e marrëdhënieve të mira me SHBA-të.

?Nëse ndokush pyet se pse ne shqiptarët kemi marrëdhënie te veçanta me Shtetet e Bashkuara të Amerikës, përgjigjja janë personalitetet si Colin Powell. Në këtë botë të madhe, shpeshherë të pasigurt për fatet e shteteve, kombi ynë ka gjetur përkrahje nga ky vend i madh dhe nga njerëzit e mëdhenj si Colin Poëell, që në momente përcaktuese për ne, na kanë qëndruar pranë, në sfida që pa ta, do të ishin të pakapërcyeshme. Ndaj, në këtë ditë të trishtë të ndarjes nga jeta të gjeneralit, ish-Sekretar i Shtetit të SHBA-ve dhe kryetarit të Udhëheqësve Ushtarakë, Colin Powell, ne nderojmë me respekt dhe mirënjohje figurën e tij, duke i shprehur ngushëllimet familjes, miqve, bashkëpunëtorëve të tij dhe popullit amerikan?, shkruan Basha, teksa mesazhin e tij e mbyll me ngushëllimin ?U prehtë në paqe?!/CNA.al





Lajmet e fundit nga