web counter
LEXO PA REKLAMA!

SHKARKO APP

App Store
Google Play

Politika në Vetting/ Zbardhen kërkesat e PD për Vettingun  

18 Tetor 2021, 18:53, Politikë CNA

Në një intervistë për Report Tv, deputetja opozitare, Ina Zhupa ka zbuluar detaje të reja sa i takon vettingut të politikanëve.

Zhupa deklaroi se PD do të propozojë që për deputetët të cilët nuk do të mund të justifikojnë pasurinë, t’u hiqet mandati ose e drejta për të rikandiduar.

Në një intervistë për Report Tv, deputetja shprehu se vettingu ka për qëllim goditjen e politikanëve të cilët janë të lidhur me kriminelët dhe pastrojnë paratë ndërmjet tyre.

“Unë vij pas mbledhjes në studio. Të treja pikat, ndryshimet kushtetuese, reforma territoriale dhe vettingun politik. Nuk janë çështje të reja, janë çështje që PD i ka ngritur i ka trajtuar dhe ka propozuar një paketë ndryshimesh. Në lidhje me vettingun politik ne kemi marrë edhe mendimin e Komisionit të Venecias. Pra, i është kërkuar mendim Komisionit të Venecias nga Kuvendi dhe ka ardhur i gjithë relacioni.

Vettingun e politikanëve ne e kemi paraqitur edhe në vitin 2018, por u rrëzua nga maxhoranca sepse ata kanë frikë sepse janë të lidhur me krimin sepse ata kanë paratë në offshore. Ligji dekriminalizimit kap kriminelin që bëhet politikan dhe nuk e lë të bëhet politikan, ndërsa vettingu politik kap politikanët që janë të lidhur me kriminelët dhe pastrojnë paratë të nëpërmjet kriminelëve dhe që nuk justifikojnë dot pasurinë. Ne kemi propozuar një paketë të plotë e cila bën disa filtra kontrolli.

Me e rëndësishme në paketë është lidhje me krimin e organizuar, pastrimi i parave të pista, futja e mekanizmit anti-mafia për të parë nga vjen burimi i parave.

Të gjitha këto çojnë në moslejimin për të marrë mandat apo në djegien e mandatit që ti mund të kesh në krye të institucioneve apo në parlament”, deklaroi Zhupa./CNA.al





Lajmet e fundit nga