E fundit!

11:58 Aktualitet

ABI Bank ka refuzuar të paguajë gjobën 120 milionë për një portal gjobaxhi

ABI Bank ka refuzuar të paguajë gjobën 120 milionë për një...

Ju "sherifa" të politikës, mos e baltosni Sherifin !

1 Shtator 2021, 10:00, Opinione CNA

Nga Nini Dede

Disa ditë para ndarjes nga jeta të artistit të madh shqiptar Sherif Merdani, kujtova veprën dhe madhështinë e tij si artist e për më tepër personjifikimin e lirisë së individit në të gjitha dimensionet (e sidomos ate te jetës) , “prangosur” pavdekshmërisht brenda disa këngëve të tij.

Nuk di të them nëse kjo ishte telepati, instikt apo rastësi, por realisht nuk dija asgjë lidhur me gjendjen e tij shëndetsore të kohëve të fundit, edhe pse nga të parët e mi di qe na bashkon nje trung familjar në pemën gjenealogjike.

Nuk është kjo arsyeja që po shkruaj për Sherifin si i afërm, as si dashamirës i artit të tij.

Po të mos kisha akoma në vesh disa “krisma” nga revolverët e “sherifave” politike militanteskë pseudo të djathtë që e konsideronin si “tradhëtar” tani në fund të jetës, mbase nuk do të kisha shkruar fare.Por fakti që edhe pas vdekjes së tij, ato filluan të bëheshin “breshëri”, nuk mund të rrija indiferent.

Politika e majtë herë pas here ka përdorur dhe vazhdon ta perdorë artin në funksion të interesave të saj, dhe ta baltosë e njollosë sa here që ai i del kundër.

Kur kjo ndodh në diktaturë është normale ta justifikosh si fenomen, por në ditët e sotme të ecësh me logjikën ” o me ne o kundra nesh” është më shumë se diktaturë !

Sherifi si i përndjekur politik mesa di unë nuk u bë as ministër, as deputet dhe as politikan. As si “tradhëtar” nuk përfitoi asnjë post politik apo ndonjë tender. Ai ngeli artist deri në fund të jetës së tij.

Cdo foto e Sherifit qe do shohim ndër vite, do u përngjajë atyre kartolinave me hapje melodike, ku në sfond do të dëgjohet ” …se kenduam Let it be, ndaj do rronim të përgjuar…”

Prandaj ju ” sherifa” të politikës :

Mos hidhni akoma baltë mbi Sherifin edhe pas varrimit se boll hodhët për gjysëm shekulli me rradhë ! Dhe …mos u mundoni ta përgjoni më Sherifin, sepse ai iku njëherë e pergjithmonë për të qënë përjetësisht i lirë !/CNA.al