Ilir Meta në Kepin Rodonit, harron të shkruajë dy fjalë nderimi për “Heroin e Popullit” Riza Cerova!

24 Gusht 2021, 15:03, Opinione CNA

Ky është postimi i fundit i Presidentit të Republikës në faqet e tij zyrtare në facebook dhe instagram, shoqëruar si zakonisht me foton e tij gjithë përqëndim dhe meditim, duke shijuar bukuritë e natyrës së asaj zone, gjë që presidenti ynë e ben shpesh dhe me shumë pasion, më së shumti me foto selfie që ai i ka aq për zemër, por edhe me foto apo video që ia bëjnë të tjerët, por kryesisht i përhershmi pranë tij, proverbiali me nickname Zani!

Mirëpo me sa duket, i harruar mes bukurive të natyrës, Presidenti ynë i nderuar, ka harruar sot që të paktën të shkruajë dy fjalë nderimi për ?Heroin e Popullit? Riza Cerova sot në 86 vjetorin e vrasje prej shërbëtorëve të klikës së Ahmet Zogut!

E para, është në nderin e tij si President i Republikës të shprehet e të mbajë qëndrime në nderim të Heronjëve të Popullit dhe Dëshmorëve të Atdheut si dëshmi e v?mendjes shtetërore ndaj saktificës së tyre, aq më tepër kir qeveria socialiste e Edi Ramës e ka mbyllur kapitullin e nderimit dhe të përkujtimit të tyre.

E dyta, është detyrim për Presidentin e Republikës që si skraparli që është, të përkujtojë emra të tillë të ndritur që kjo trevë patriotike dhe atdhedashëse i ka dhënë Shqipërisë, duke nderuar kështu historinë e Skraparit por edhe të të gjithë Shqipërisë.

E treta, Presidenti ynë që rend derë më derë me dekorata në dorë për të gjetur çdo peshëngritës që ka prekur shtangë për t?i dhënë dekoratë, do të bënte mirë më së pari të nderojë ata që sakrifikuan gjithçka për Shqipërinë, pa marrë asgjë prej saj.

Harresa për të përkujtuar ?Heroin e Popullit? Riza Cerovën sot nuk është e vetmja.

Asnjë fjalë nderimi nuk shkroi Presidenti ynë as disa ditë më parë në 21 gushtin e vrasjes në pabesi të Heronjëve të Vigut dhe as në 9 gushtin e vrasjes nga diversantët të ?Heroit të Popullit? Bardhok Biba.

Por nëse këta të fundit mund t?i ketë harruar se nuk janë nga Skrapari, harresa e Riza Cerovës është e pafalshme për të gjitha arsyet që përmendem.

Mbase kujtohet nga ky shkrim dhe shkruan disa rradhë të paktën, sa nuk është vonë.

Është Ilir Meta që ka nevojë për nderimin e emrit të ?Heroit të Popullit? Riza Cerova dhe jo emri i heroit për Presidentin tonë, të ?harruar? në zonën mes Kepit të Rodonit dhe Bishtit të Pallës!/CNA.al