web counter
LEXO PA REKLAMA!

SHKARKO APP

App Store
Google Play

Nga Arian Galdini/ Nënë Tereza, njeriu mrekulli

26 Gusht 2021, 10:58, Opinione CNA

A e dini pse Nënë Tereza është njeriu mrekulli që e ka të gjithë madhështinë e saj tek thjeshtësia e saj?

Sepse Nënë Tereza e jetoi besimin e saj në plotësi me një vetëmohim të jashtëzakonshëm.

Dhe sidomos në kohë e kulturë të gabuar, kur njerëzit e shpallin besimin për tu përfaqësuar e për tu veçuar nga të tjerët, Nënë Tereza e jetoi besimin për tu vetëmohuar dhe për tu shkrirë me të tjerët duke i dashur pa kushte.

Në kohë e kulturë të gabuar, kur besimi përdoret si paragjykim, mohim apo agresion ndaj tjetrit, Nënë Tereza e jetoi besimin e saj si dashuri për tjetrin.

Në kohën dhe kulturën e gabuar, kur besimi përdoret si strehë për siguri, Nënë Tereza e jetoi besimin si shërbyesi.

Në kohën dhe kulturën e gabuar kur besimin e përdorim si krenari apo sipëri, Nënë Tereza e jetoi besimin me perunjësi.

Në kohën dhe kulturën e gabuar, kur e shohim besimin si fanatikë për të mbuluar injorancën tonë, Nënë Tereza e jetoi besimin me njerëzizëm plot dyshime, ama duke zgjedhur të besojë dhe ta jetojë besimin në thellësitë më të mëdha.

A nuk janë universale këto parime mbi të cilat e ka jetuar besimin e saj Nënë Tereza?

A nuk vlejnë për çdo Fe e për gjithëkënd???

Sidomos në këto kohë kur besimin e përdorin për të vrarë e prerë, mendoni sesa e ç’mësim i madh është ta jetosh besimin për të dashur e shërbyer.

E çdo besim i jetuar si burim dashurie dhe shërbese, është pa asnjë diskutim mrekulli. E Nënë Tereza e pati hapësinë për ta jetuar kaq thellë besimin sepse ishte shqiptare.

Vetëm shqiptarët dinë të dorëzohen e duan kaq fort. Prandaj të gjithë shqiptarët duhet të jemi krenarë me Nënë Terezën./ CNA.al





Lajmet e fundit nga