E fundit!

10:29 Politikë

Vrasja e efektivit në Maliq/ Kuvendi mban 1 minutë heshtje

Kuvendi i Shqipërisë ka nisur seancën e sotme duke mbajtur...

Kuvendi që fundosi më tej PD/ Nishani ‘godet” ashpër Bashën

21 Korrik 2021, 14:10, Politikë CNA

Kuvendi Kombëtar, i cili u mbajt të shtunën që kaloi, është komentuar nga ish-Presidenti Bujar Nishani.

Sipas tij në atë Kuvend nuk pati asnjë ndryshim thelbësor.

?Pati 2-3 ndërhyrje në statut që heqin edhe disa hapësira formale për anëtarësinë dhe Këshillin Kombëtar e kthejnë nga institucioni më i lartë vendimmarrës në organ këshillues. Dobësohet roli i anëtarësisë, duke forcuar unin e kryetarit?, është shprehur Nishani.

Dhe ky veprim sipas tij, është krejtësisht në dëm të kredibilitetit të partisë dhe besueshmërisë së saj kur zhbën çdo normë kolegjialiteti dhe fryn pushtetin e një njeriu.

?Deputetët nuk u përzgjodhën fare nga komisioni që u ngrit. Puna e atij komisioni u shumëzua me zero dhe lista e deputetëve u bë njësoj si në 2017. Tashmë anëtarësisë i hiqet edhe e drejta formale për të propozuar kandidatët për kryetarë bashkie.

Kryetari i partisë i jep të drejtën vetes të hartojë listën e kandidatëve. Nuk është se ka ndodhur ndryshe më parë, por kishte një parashikim formal statutor që përfshinte anëtarësinë. Sot më shumë se kurrë PD i duhet sistemi i garës. Primaret bëjnë të mundur garën. Gara bën të mundur hapjen dhe rritjen e partisë. Të tjerat janë retorikë boshe?, shprehet Nishani në një intervistë për gazetën ?Panorama?.

Më tej ai ka folur për grupimin ?Për PD?, që sipas tij po rritet dita ditës.

?Grupi për PD? është një bashkim zërash që adreson situatën alarmante në PD. Ky grup nuk është një strukturë, por bashkim i reagimit dhe përgjegjshmërisë, i cili besoj do të rritet nga dita në ditë.

E them edhe një herë se nuk ka kurrfarë rëndësie qenia në salla apo karrige formale për të bërë politike, për të mbrojtur parimet, për të adresuar sfida, për të bërë beteja.

Të gjitha ato jetësohen në komunikimin publik, në kontaktin politik. Këto nuk varen asfare te të pasurit emrin në lista të caktuara. Ato varen te dëshira, integriteti, te të qenit i vërtetë. Beteja më e madhe sot është beteja me të vërtetën. Kushdo që bëhet aleat me të vërtetën, është i fituar?, ka thënë ndër të tjera Nishani./CNA.al