web counter
LEXO PA REKLAMA!

SHKARKO APP

App Store
Google Play

E fundit!

x

"Marrëdhëniet e PD me ndërkombëtarët janë ftohur”/ Roland Bejko tregon 3 sfidat e Bashës

21 Korrik 2021, 11:36, Politikë CNA

Anëtari i Kryesisë së PD, Roland Bejko ka prezantuar tre sfidat me të cilat sipas tij do duhet të përballet Lulzim Basha.

I ftuar në “Sot Live në Shqipëri”, Bejko u shpreh se Basha do të përballet me sfida për të rikthyer besimin brenda demokratëve.

“Sfida për të rikthyer besimin brenda demokratëve, mobilizimi i tyre, rimëkëmbja e strukturave dhe qartësia në kryerjen e veprimeve politike duke vendosur objektiva të qartë. PD duhet të synojë të fitojë zgjedhjet lokale dhe nuk duhet të gjejë justifikime, PD duhet t’i vendosë kusht qeverisë dhe ndërkombëtarëve që nuk mund të futet në këto zgjedhje me këtë reformë territoriale dhe më këtë kod zgjedhor dhe për ketë duhen bindur ndërkombëtarët”, tha ai.

Bejkoi shtoi se marrëdhëniet e PD me ndërkombëtarët janë më të ftohta se më parë. Kjo sepse sipas tij ka marrë vendime që kanë shkuar në kundërshtim me ndërkombëtarët. Një prej tyre ishte dorëzimi i mandateve apo edhe mos futja në zgjedhjet lokale të 30 qershorit, por pa përmendur në asnjë moment qëndrimin që kanë mbajtur demokratët në raport me shpalljen ‘NON GRATA’ të Sali Berishës.

“PD ka mbajtur qëndrime me kundër sens për ndërkombtarët”, tha ai./CNA.al





Lajmet e fundit nga